|
ཟླ་བཞི་བའི་ཚེས་དྲུག་ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕེན་གྱིས་ཧེ་ནན་ཞིང་ཆེན་སན་ཡ་གྲོང་ཁྱེར་ནས་ཧྥུན་ལན་གྱི་ཙུང་ཐུང་ཉིས་ཉིས་སི་ཐི་དང་གླེང་མོལ་མཛད། གླེང་མོལ་གྱི་སྔོན་ལ། ཞི་ཅིན་ཕེན་གྱིས་ཙུང་ཐུང་ཉིས་ཉིས་སི་ཐི་ཀྲུང་གོར་འཚམས་འདྲི་ཡོང་བར་དགའ་བསུ་ཞུ་བའི་མཛད་སྒོར་བསྡུས།
འདི་ནི་ཞི་ཅིན་ཕེན་དང་ལྕམ་མོ་ཕིན་ལིས་ཡོན་གྱིས་ཉིས་ཉིས་སི་ཐི་དང་ལྕམ་མོ་གཉིས་ལ་བསུ་བ་བྱེད་པའི་ཚུལ་རེད།
རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕེན་གྱིས་ཟླ་བཞི་བའི་ཚེས་དྲུག་ཉིན། ཧེ་ནན་ཞིང་ཆེན་སན་ཡ་གྲོང་ཁྱེར་ནས་ཧྥུན་ལན་གྱི་ཙུང་ཐུང་ཉིས་ཉིས་སི་ཐི་དང་གླེང་མོལ་མཛད། ཕྱོགས་གཉིས་ཀས་ཀྲུང་གོ་དང་ཧྥུན་ལན་བར་གྱི་འབྲེལ་བ་དང་། ཀྲུང་གོ་དང་ཡོ་རོབ་གླིང་གི་འབྲེལ་བ། ཐུན་མོང་གིས་སེམས་ཁུར་བྱེད་པའི་རྒྱལ་སྤྱི་དང་ས་ཁུལ་གྱི་གནད་དོན་འགངས་ཆེན་ཐད་ནས་དགོངས་འཆར་བརྗེ་རེས་མཛད་དེ། ལྟ་བ་གཅིག་མཐུན་བྱུང་། རྒྱལ་ཁབ་གཉིས་ཀའི་མགོ་གཙོས་མཉམ་དུ་ཀྲུང་གོ་དང་ཧྥུན་ལན་བར་གྱི་འབྲེལ་བ་དེ་འབྱུང་འགྱུར་ལ་ཁ་ཕྱོགས་པའི་རྣམ་པ་གསར་བའི་མཉམ་ལས་གྲོགས་པོའི་འབྲེལ་བར་ཇེ་མཐོར་གཏོང་རྒྱུ་ཡིན་པ་ཁྱབ་སྒྲོག་བྱས།
ཞི་ཅིན་ཕེན་གྱིས་ཀྲུང་གོ་དང་ཧྥུན་ལན་རྒྱལ་ཁབ་བར་འབྲེལ་བ་བཙུགས་ཏེ་ལོ་དྲུག་ཅུ་ལྷག་འཁོར་བའི་རིང་ལ། རྒྱལ་སྤྱིའི་གནས་བབ་ལ་འགྱུར་ལྡོག་ཇི་འདྲ་བྱུང་ཡང་། རྒྱལ་ཁབ་གཉིས་ཀའི་འབྲེལ་བ་དུས་རྟག་ཏུ་བརྟན་པོའི་ངང་འཕེལ་རྒྱས་བྱུང་། ཀྲུང་གོ་ཕྱོགས་ཀྱིས་ཧྥུན་ལན་ཕྱོགས་དང་ལྷན་དུ། འབྱུང་འགྱུར་ལ་ཁ་ཕྱོགས་པའི་རྣམ་པ་གསར་བའི་མཉམ་ལས་གྲོགས་པོའི་འབྲེལ་བ་འཛུགས་པར་བརྩོན་ལེན་དང་། གཙོ་བོར་དངུལ་གཏོང་དང་གསར་སྐྲུན། ཁོར་ཡུག་སྲུང་སྐྱོབ། མཁར་གྲོང་ཅན་སོགས་ཁྱབ་ཁོངས་ཀྱི་མཉམ་ལས་ཇེ་ཟབ་ཏུ་གཏོང་འདོད་ཡོད་ཅེས་བསྟན།
ལོ་ཙཱ་བ། ཀླུ་འབུམ་བྱམས།
|