དྲི་བ། ད་སྔ་རང་རེའི་རྫོང་གི་གྲོང་སྡེ་རྩ་འཛུགས་བརྗེ་བསྐོའི་འདེམས་བསྐོ་ལས་དོན་འགོ་བཟུང་།
དེའི་ན། ཅི་ཞིག་ལ་འདེམས་བསྐོའི་དབང་ཆ་ཟེར།
ལན། ཀྲུང་ཧྭ་མི་དམངས་སྦྱི་མཐུན་རྒྱལ་ཁབ་ཀྱི་སྡེ་དམངས་ཨུ་ཡོན་ལྷན་ཚོགས་ཀྱི་རྩ་འཛུགས་བཅའ་ཁྲིམས་དང་སི་ཁྲོན་ཞིང་ཆེན་གྱི་སྡེ་དམངས་ཨུ་ཡོན་ལྷན་ཚོགས་ཀྱི་རྩ་འཛུགས་བཅའ་ཁྲིམས་ཀྱི་གཏན་འབེབས་གཞིར་བཟུང་ནས། འདེམས་བསྐོའི་དབང་ཆ་ལ་ཕྱོགས་གཉིས་ནང་དོན་འདུས།
སོ་སོར་བདམ་བྱ་དང་འདེམ་བྱེད་ཀྱི་དབང་ཆ་ཡིན། གཉིས་ཀ་གཅིག་འགྱུར་གྱི་འདེམས་བསྐོའི་དབང་ཆ་ཟེར།
སྡེ་དམངས་ཨུ་ཡོན་ལྷན་ཚོགས་ཀྱི་འདེམས་བསྐོའི་ཁྲོད་ནས།བདམ་བྱའི་དབང་ཆ་ནི་གྲོང་མི་ལ་ཁྲིམས་ལྟར་ལོངས་སུ་སྤྱོད་པའི་རང་རེས་སྡེ་བའི་སྡེ་དམངས་ཨུ་ཡོན་ལྷན་ཚོགས་ཀྱི་ཚོགས་མིའི་དབང་ཆ་ཡིན། འདེམ་བྱེད་ཀྱི་དབང་ཆ་ནི་གྲོང་མིའི་ཁྲིམས་ལྟར་ལོངས་སུ་སྤྱོད་པའི་རང་རེས་སྡེ་བའི་སྡེ་དམངས་ཨུ་ཡོན་ལྷན་ཚོགས་ཚོགས་མི་ལ་འདེམ་བའི་དབང་ཆ་ཡིན།
དྲི་བ། སྡེ་དམངས་ཨུ་ཡོན་ལྷན་ཚོགས་ཀྱི་འདེམས་བསྐོའི་ལས་དོན་ལ་རིམ་པ་གང་དག་ཡོད།
ལན། ༡ འདེམས་བསྐོའི་ལས་དོན་གྲྭ་སྒྲིག
༢ འགོ་ཁྲིད་ཀྱི་སྒྲིག་གཞི་གཞི་ཚུགས་དང་འདེམས་བསྐོ་བྱེད་པ།
༣འདེམས་བསྐོའི་ཁྱབ་བསྒྲགས་ལས་དོན་འགོ་བཟུང་ནས་འདེམས་དམངས་ལ་འདེམས་བསྐོ་ནང་ཞུགས་པར་སྐུལ་སློང་བྱ་རྒྱུ།
༤ འདེམས་དམངས་ཐོ་འགོད་པ།
༥ བདམ་བྱའི་འོས་མི་མིང་བཏགས་ནས་གཏན་ཁེལ་བྱེད་པ།
༦ བདམ་བྱའི་འོས་མི་ངོ་སྤྲོད་དང་བདམ་བྱའི་འོས་མིའི་འདེམ་པར་འགྲན་པའི་གཏམ་བཤད་གནང་བ།
༧འདེམས་ཤོག་འཕེན་པའི་ས་ཚིགས་ནས་འདེམས་ཤོག་འཕང་ནས་འདེམས་བསྐོ་བྱས་ནས།
འདེམས་ཤོག་བསྡོམས་རྩིས་དང་ལྟ་སྐུལ་བྱ་རྒྱུ།
༨སྡེ་དམངས་ཨུ་ཡོན་ལྷན་ཚོགས་ཀྱི་ཁོངས་མི་གསོ་སྐྱོང་སྦྱོང་བརྡར་བྱེད་པ།
༩སྒྲིག་ཡིག་དང་སྒྲིག་ལམ་གསར་འཛུགས།
༡༠འདེམས་བསྐོ་བསྡོམས་རྩིས།
འདེམས་བསྐོའི་ཡིག་ཚགས་ལེགས་བསྒྲིགས་ནས་བསྡོམས་རྩིས་ཀྱི་ཡིག་ཆ་གོང་ལ་སྤེལ་བ།
དྲི་བ། གྲོང་མིས་སྡེ་དམངས་ཨུ་ཡོན་ལྷན་ཚོགས་ཀྱི་ཁོངས་མི་འདེམས་དུས་ཡིག་འཇོག་བྱེད་དགོས་རྒྱུའི་གནས་ཚུལ་གང་དག་ཡོད།
ལན། ༡ ལས་དོན་སྟབས་ཀྱིས་འདེམས་བསྐོ་ལག་བསྟར་བྱེད་མི་ཆོག
༢ ཆོས་ལུགས་བསམ་བློ་ཁྱབ་སྤེལ་བྱས་ནས་མི་གཞན་ལ་གནོད་སྐྱོན་གཏོང་མི་ཆོག
༣ འདེམས་དམངས་ལ་འཇིགས་སྐུལ་གཏོང་ནས་འདེམས་དམངས་ཀྱི་བདམ་བྱ་དང་འདེམ་བྱེད་ཀྱི་དབང་ཆ་ལ་གནོད་སྐྱོན་བཟོ་མི་ཆོག
༤འདེམས་ཤོག་རྫུན་མ་དང་མི་བདེན་རྫུན་སྒྲིག་བྱེད་མི་ཆོག
གོང་གི་སྤྱོད་ཚུལ་ལས་གཅིག་ཡོད་ན་ཁྲིམས་ལྟར་སྡེ་དམངས་ཨུ་ཡོན་ལྷན་ཚོགས་ཀྱི་ཁོངས་མིའི་གོ་གནས་ལེན་རྒྱུ།
གནས་ཚུལ་ཚབས་ཆེན་བྱུང་ན་ཁྲིམས་ལྟར་ཁྲིམས་ལུགས་ཀྱིས་འགན་འཁྲི་བཙད་གཅོད་དགོས།
དྲི་བ། མི་༡༠ཡན་ཆད་ཀྱིས་སྡེ་དམངས་ཨུ་ཡོན་ལྷན་ཚོགས་ཀྱི་བདམ་བྱའི་འོས་མི་མིང་བཏགས་ན་ནུས་པ་ཡོད་དམ།
ལན། ནུས་པ་མེད། སྡེ་དམངས་ཨུ་ཡོན་ལྷན་ཚོགས་ཀྱི་བདམ་བྱའི་འོས་མི་ནི་རང་རེས་སྡེ་བའི་འདེམས་དམངས་ཀྱིས་ཐད་ཀར་མིང་བཏགས་པར་རེད། མི་གཅིག་གིས་འདེམས་ཤོག་གཅིག་སྟེ། སྡེ་དམངས་ཨུ་ཡོན་ལྷན་ཚོགས་ཀྱི་སྡེ་དམངས་ཚོགས་འདུ་དང་ཡང་ན་ཚོགས་ཆུང་གི་ཚོགས་འདུ་ཚོགས་ནས་མི་འདོག་དགོས།
འདེམས་དམངས་ཕྱེད་ཀའི་ཡན་ཆད་ཀྱི་ཚོགས་འདུར་ཞུགས་ནས་མིང་བཏགས་ན་ད་རུང་ནུས་པ་ལྡན།གོང་གི་རྣམ་པར་མ་གཏོགས་རྣམ་པ་གཞན་གྱིས་མིང་བཏགས་ན་ནུས་པ་མེད།
དྲི་བ། སྡེ་དམངས་འདེམས་བསྐོ་ཨུ་ཡོན་ལྷན་ཚོགས་ཀྱི་ཁོངས་མི་དེ་སྡེ་དམངས་ཨུ་ཡོན་ལྷན་ཚོགས་ཀྱི་བདམ་བྱའི་འོས་མི་ལ་མིང་བཏགས་ཡོད་ན།
སྡེ་དམངས་ཨུ་ཡོན་ལྷན་ཚོགས་ཀྱི་གོ་ས་ལེན་དགོས་སམ།
ལན། མི་དགོས། འོན་ཀྱང་འདེམས་བསྐོའི་ཚོགས་ཆེན་འགོ་འཛིན་མི་ཆོག འདེམས་ཤོག་ལྟ་སྐུལ་བ་དང་འདེམས་ཤོག་སྡོམ་རྩིས་སོགས་ཀྱི་ལས་འགན་ཁུར་མི་ཆོག
དྲི་བ། སྡེ་དམངས་འདེམས་བསྐོ་ཨུ་ཡོན་ལྷན་ཚོགས་ཀྱིས་བདམ་བྱའི་འོས་མི་ལ་ཐོབ་ཐང་ཞིབ་དཔྱད་བྱེད་པའི་ནང་དོན་གང་གང་ཡོད།
ལན། བདམ་བྱའི་འོས་མི་ལ་ངེས་པར་འདེམས་དམངས་ཀྱི་ཐོབ་ཐང་ཡོད་དགོས།
བདམ་བྱའི་འོས་མི་བར་བཟའ་མི་དང་ཕ་མ་བུ་ཕྲུག ཕུ་ནུ་མིང་སྲིང་གི་འབྲེལ་བ་ཡོད་མི་ཆོག
བདམ་བྱའི་འོས་མི་མིང་བཏགས་པའི་གོ་རིམ་ཁྲིམས་ལུགས་ཀྱི་གཏན་འབེབས་དང་མཐུན་པ།
དྲི་བ། སྡེ་དམངས་ཨུ་ཡོན་ལྷན་ཚོགས་ནང་ནས་ཕུ་ནུ་མིང་སྲིང་གི་འབྲེལ་བ་ཟེར་བ་ནི་གང་ལ་གོ
ལན། སྤུན་ཟླ་ལ་གོ ཕ་གཅིག་ལས་མ་མི་གཅིག་པདང་མ་གཅིག་ལས་ཕ་མི་གཅིག་པའི་ཕུ་ནུ་མིང་སྲིང་ལ་ཟེར། ཕ་རྒྱུད་དང་མ་སྤུན་གྱི་ཕུ་ནུ་མིང་སྲིང་ནང་མི་འདུས།
དྲི་བ། སྡེ་དམངས་ཨུ་ཡོན་ལྷན་ཚོགས་བར་གལ་ཏེ་སྒྱུག་པོ་སྒྱུག་མོ་དང་མནའ་མ།
ཡང་ན་གྱོས་པོ་གྱོས་མོ་དང་མག་པ། ཡང་ན་བུ་སྤུན་དང་ཕུ་ནུ་མིང་སྲིང་གི་བཟའ་མི་ཡོད་ན་གཟུར་དགོས་སམ།
ལན། མི་དགོས། བཟའ་མི་དང་ཕ་མ་དང་བུ་རྒྱུད།
ཕུ་ནུ་མིང་སྲིང་གི་འབྲེལ་བ་མ་གཏོགས་གཞན་གཟུར་མི་དགོས།
དྲི་བ། སྡེ་དམངས་ཨུ་ཡོན་ལྷན་ཚོགས་ཀྱི་ཚོགས་མིའི་བདམ་བྱའི་འོས་མི་ཅི་ལྟར་འདེམས་བསྐོ་བྱ་རྒྱུ།
ལན།སྡེ་དམངས་ཨུ་ཡོན་ལྷན་ཚོགས་ཀྱི་བདམ་བྱའི་འོས་མི་ནི་རང་རེས་སྡེ་བའི་འདེམས་དམངས་ཀྱིས་ཐད་ཀར་མིང་བཏགས་དགོས། མི་གཅིག་གིས་འདེམས་ཤོག་གཅིག་འཕང་ནས་བདམ་བྱའི་འོས་མི་གཏན་ཁེལ་བྱ་རྒྱུ།སྡེ་དམངས་ཨུ་ཡོན་ལྷན་ཚོགས་ཀྱི་སྡེ་དམངས་ཚོགས་འདུ་དང་ཡང་ན་ཚོགས་ཆུང་གི་ཚོགས་འདུ་ཚོགས་ནས་མི་བཏགས་དགོས།
འདེམས་དམངས་ཕྱེད་ཀའི་ཡན་ཆད་ཀྱི་ཚོགས་འདུ་ཞུགས་ནས་མིང་བཏགས་ན་ད་རུང་ནུས་པ་ལྡན། བདམ་བྱའི་འོས་མི་མིང་ཐོ་སྡེ་དམངས་ཨུ་ཡོན་ལྷན་ཚོགས་ཀྱིས་ཁྲིམས་ལྟར་ཞིབ་དཔྱད་བྱས་ནས་འདེམས་ཤོག་གི་གྲངས་ལྟར་གཏན་ཁེལ་བྱ་རྒྱུ།
འདེམས་བསྐོ་ཉིན་སྔོན་གྱི་ཉིན་༥ནང་ཁྱབ་བསྒྲགས་བྱེད་དགོས།
དྲི་བ། འདེམས་བསྐོ་བྱེད་པའི་ཚོགས་འདུ་ལ་རིམ་པ་གང་དག་ཡོད།
ལན། རྒྱས་བཤད་བྱས་ན།
འདེམས་བསྐོའི་ཚོགས་འདུ་ལ་རིམ་པ་༢༠ཡོད།
༡ ཚོགས་འདུ་འགོ་འཛིན་པ་ཡོངས་བསྒྲགས།
༢ ཚོགས་འདུར་ཞུགས་པའི་མི་གྲངས་ཞིབ་བཤེར་བྱེད་པ།
༣ རྒྱལ་གླུ་ལེན་པ།
༤ མིང་བཏགས་པའི་གནས་ཚུལ་ཡར་ཞུ་ནས་སྡེ་དམངས་ཨུ་ཡོན་ལྷན་ཚོགས་ཀྱིས་བདམ་བྱའི་འོས་མིའི་མིང་ཐོ་ཡོངས་བསྒྲགས་བྱ་རྒྱུ།
༥འདེམས་ཤོག་འཕེན་ཐབས་ཡོངས་བསྒྲགས་བྱ་རྒྱུ།
༦འདེམས་བསྐོའི་ལས་དོན་མི་སྣ་ཡོངས་བསྒྲགས་བྱ་རྒྱུ།
༧འདེམས་ཤོག་འཕེན་སའི་སྒམ་ལ་ཞིབ་བཤེར་དང་དམ་པོར་སྦྱར་བ།
༨འདེམས་ཤོག་ཁ་འབྱེད་པ་དང་གྲངས་བཤེར་བྱེད་པ།
༩འདེམས་ཤོག་འགྲེལ་བཤད་དང་བཞུར་སྐྱོད་ཤོག་སྒམ་མངག་གཏོང་བྱ་རྒྱུ།
༡༠ འདེམས་ཤོག་གསང་ནས་འབྲི་བ།
༡༡ འདེམས་ཤོག་འཕེན་པ།
༡༢ ཤོག་སྒམ་གཅིག་བསྡུ།
༡༣ འདེམས་ཤོག་ལྷག་མ་བསྲེགས་པ།
༡༤ སྒམ་འབྱེད་ནས་འདེམས་ཤོག་གྲངས་གཤེར་བྱེད་པ།
༡༥འདེམས་ཤོག་ཞིབ་དཔྱད་བྱེད་པ།
༡༦ཡོངས་གྲགས་སུ་འདེམས་ཤོག་བརྩི་བ།
༡༧ ས་དེ་ག་ནས་འདེམས་ཤོག་གི་གྲངས་ཀ་ཁྱབ་བསྒྲགས་བྱེད་པ།
༡༨འདེམས་ཤོག་དམ་པོར་སྦྱར་བ།
༡༩ འདེམས་བསྐོའི་མཇུག་འབྲས་ཡིག་ཆ་འབྲི་བ།
༢༠ས་དེ་ག་ནས་འདེམས་བསྐོའི་མཇུག་འབྲས་ཁྱབ་བསྒྲགས་བྱེད་པ།
མཁོ་སྤྲོད་ལས་ཁུངས།
རྔ་བ་རྫོང་ཁྲིམས་འཛིན་ཅུས། རྔ་བ་རྫོང་བློན་ཚང་ཡུལ་ཚོའི་ཁྲིམས་འཛིན་ལྟེ་གནས།
|