མགར་སྤྲུལ་ངག་དབང་ཡོན་ཏན་རིན་ཆེན་གྱིས་རྭ་རྒྱའི་བཀའ་འགྱུར་ཆེན་མོའི་སྦྱིན་བདག་མཛད་པ་དང་། ཁཱ་ཤེས་རབ་རྒྱ་མཚོས་ལོ་ངོ་བཅུའི་རིང་རྭ་རྒྱའི་བཀའ་འགྱུར་བསྐྱར་བཞེངས་ཀྱི་གཙོ་སྒྲིག་པ་བྱས། མཚོ་སྔོན་མི་རིགས་དཔེ་སྐྲུན་ཁང་ནས་པར་དུ་བསྐྲུན། བསྟན་པའི་སྦྱིན་བདག་གིས་རྭ་རྒྱ་དགོན་དགའ་ལྡན་བཀྲ་ཤིས་འབྱུང་གནས་ལ་རྭ་རྒྱའི་བཀའ་འགྱུར་ཚར་སྟོང་ཕྲག་གཅིག་ལྷག་དང་བཀའ་འགྱུར་དཀར་ཆག་ཚར་སྟོང་ཕྲག་གཉིས་ཕུལ་བ་དེ་རྭ་རྒྱ་དགོན་པས་བོད་ཁམས་ཀྱི་གྲུབ་མཐའ་རིས་མེད་ཀྱི་དགོན་སྡེ་དང་སློབ་ཆེན་དཔེ་མཛོད་ཁང་སོགས་ལ་རྭ་རྒྱ་དགོན་པར་མིང་ཐོ་བཀོད་པའི་གོ་རིམ་བཞིན་ཆོས་སྦྱིན་སྤེལ་བའི་དགའ་སྟོན་ཐོག་ཁཱ་ཤེས་རབ་རྒྱ་མཚོས་བཀའ་འགྱུར་བཞེངས་པའི་སྐོར་མདོར་བསྡུས་ཙམ་ཞུས་པ་དེ་ཡིན་ནོ། །

སྤྱི་ལོ༢༠༢༤ལོའི་སྤྱི་ཟླ་༡༡པའི་ཚེས་༢༢ཉིན་རྭ་རྒྱ་དགོན་ནས།