བོད་ཀྱི་དམངས་གཞས་གླུ་བ་མགར་བསམ་ལྷུན་ལགས་ནི་ཨ་མདོ་རྔ་བ་རུ་སྐྱེས་ཤིང་།  ཆུང་དུས་ནས་གླུ་གར་སྒྱུ་རྩལ་ལ་དུང་བ་ཟབ་ཅིང་རིམ་བཞིན་བོད་ཁམས་ཀྱི་གར་སྟེགས་ཆེ་མ་ཆུང་གསུམ་འགྲིམས་ནས་ཀུན་གྱིས་དགའ་བསུ་མི་དམན་པ་ཐོབ། ༢༠༠༥ལོར་རྔ་བ་རྫོང་ན་གཞོན་གླུ་བའི་དམངས་གླུ་འགྲན་སྡུར་ཁྲོད་ཨང་དང་པོའི་གཟེངས་རྟགས་དང་། གླུ་དབྱངས་ཀྱི་ཨང་གཉིས་པའི་བྱ་དགའ་ཐོབ།

༢༠༠༦ནས་༢༠༡༥བར་གཟི་ཚ་སྡེ་དགུའི་སྐལ་བཟང་མེ་ཏོག་སྒྱུ་རྩལ་ཚོགས་པ་ནས་བྱ་བ་བསྒྲུབས།

༢༠༠༨ལོར་མགོ་ལོག་ཁུལ་མི་དམངས་སྲིད་གཞུང་གིས་གཙོ་སྒྲུབ་བྱས་པའི་བྱམས་སྐྱོང་དགོང་ཚོགས་སུ་གདན་འདྲེན་ཞུས།

༢༠༠༩ལོར་ཀྲུང་གོ་ནུབ་རྒྱུད་ཀྱི་དམངས་གླུ་འགྲན་སྡུར་ཁྲོད་ཨང་དང་པོའི་བྱ་དགའ་ཐོབ།

༢༠༡༠ལོར་ཧྲེང་ཧེ་འཛམ་གླིང་བཤམས་སྟོན་དགོངས་ཚོགས་ལ་གདན་ཞུ་བྱས།

༢༠༡༠ལོར་སི་ཁྲོན་ཞིང་ཆེན་གྲངས་ཉུང་མི་རིགས་སྒྱུ་རྩལ་དུས་ཆེན་གྱི་འཁྲབ་སྟོན་ལ་ཞུགས།

༢༠༡༡ལོར་ཀྲུང་གོ་སི་ཁྲོན་བོད་གླུའི་འགྲན་སྡུར་ཁྲོད་ཕུལ་བྱུང་བྱ་དགའ་ཐོབ།

༢༠༡༡ལོར་སི་ཁྲོན་ཁྲིན་འདུ་ནས་བསྡུས་པའི་འཛམ་གླིང་ཤུལ་བཞག་རིག་གནས་ཀྱི་དགོངས་ཚོགས་སུ་ཞུགས། ༢༠༡༢ལོར་མཚོ་སྔོན་རླུང་བརྙན་འཕྲིན་གཉིས་ཀྱིས་བསྡུས་པའི་གངས་ལྗོངས་ཀུན་ཕན་རྟགས་མའི་དམངས་གླུ་འགྲན་ཚོགས་ཁྲོད་ཕུལ་བྱུང་བྱ་དགའ་ཐོབ། ༢༠༡༣ལོར་རྔ་བ་རྫོང་མི་དམངས་ཏང་ཨུ་དང་རྫོང་མི་དམངས་སྲིད་གཞུང་གཉིས་ཀྱིས་བསྡུས་པའི་ཞིང་ཆེན་གསུམ་གྱི་བོད་གླུའི་འགྲན་སྡུར་ཁྲོད་བྱ་དགའ་ཨང་དང་པོ་ཐོབ་པ་རེད། གཞན་པེ་ཅིང་དང་ཧྲང་ཧེ་སོགས་རྒྱལ་ནང་གི་ཞིང་ཆེན་ཆེ་གྲས་ཁག་གི་དགོངས་ཚོགས་གང་མང་ལ་ཞུགས་ནས་དགའ་བསུ་མི་དམན་པ་ཐོབ། གླུ་བ་མགར་བསམ་ལྷུན་ཁོང་གིས་བཤད་རྒྱུར། ཁོ་རང་གི་འདས་པའི་ལོ་ཟླའི་ནང་དུ་དམངས་གླུའི་རྒྱུད་འཛིན་པ་བྱས་ལ། སྲིད་གཞུང་གིས་ཀྱང་ཞིང་ཆེན་རིམ་པའི་དམངས་གླུའི་རྒྱུད་འཛིན་པར་བདམས་ཤིང་། མ་འོངས་པར་ཡང་བོད་མི་རིགས་ཀྱི་སྲོལ་རྒྱུན་དམངས་ཁྲོད་ཀྱི་གླུ་གཞས་མང་བོ་མ་ཉམས་གོང་འཕེལ་དང་ཉམས་པ་སླར་གསོ་བྱེད་པའི་ཆོད་སེམས་བརྟན་པོ་ཡོད་ཅེས་བཤད།

མཐར་འཛམ་གླིང་ཞི་བདེ་དང་། སྒོས་སུ་ཕ་ཡུལ་གངས་རིའི་ལྗོངས་ལ་ཆབ་དཔལ་རིག་གསུམ་འཕེལ་བའི་བཀྲ་ཤིས་སྨོན་འདུན་ཞུ།