འགུལ་རིས་ཤིག

དུང་སེམས་གསོ་བའི་རྩྭ་སྨན་རིན་ཆེན་འདི།།
རི་མགོའི་ཁྲོད་ཀྱི་མཛེས་བའི་སྣང་བརྙན་ཡིན།།
དཔྱིད་དཔལ་བསུ་བའི་སྐྱ་རེངས་ཕོ་ཉ་དེ།།
དྲན་པའི་འགུལ་རིས་དང་བོའི་སྲོག་གླུ་ཤོས།།
༢
གཞན་པའི་ངག་ལ་འཕྲིན་ཞིག་མ་བསྐུར་གོང་།།
དུངས་སེམས་ཚིག་གི་འཕྲིིན་འདི་ཀློག་ལ་བྲེལ།།
གཞན་པའི་ངག་དང་ང་ཡིས་སྐད་གདངས་ལ།།
འཕྲིན་འདི་གཉར་བ་འགུལ་བའི་གཤོག་པ་ཤོས།།
༣
སེམས་ཀྱི་ནང་རིམ་ཚོད་མེད་གཤགས་ནས་སོང་།།
དུས་ཀྱི་རྨ་ཁ་མཐོང་མེད་གྲོང་ནས་རྒས།།
འདི་ནི་འཇིག་རྟེན་དྲན་པའི་གསེབ་དུ་འདུག།
ང་ཡི་དྲན་པའི་འགུལ་རིས་གསེར་བོ་ཡིན།།
  ༤
འོད་ཀྱི་རླབས་རིས་གཙང་བོའི་འགྲམ་ནས་འཕྱོ།།
གཙང་བོའི་ཉེ་འགྲམ་སྡུག་དང་གད་ཀྱིས་སྦགས།།
རྩྭ་ཐང་ཡངས་བོའི་འཁོར་ཡུག་མཛེས་བོ་ན།།
འཕྲུལ་དང་འདྲ་བའི་འགུལ་རིས་སྣ་ཚོགས་འདུག།
  ༥
ཆ་མེད་ལུང་བའི་སྡེ་མཐའ་གྲུ་བཞི་ན།།
སྤྱི་ལ་མི་འདྲེས་སྣ་ཚོགས་སྐད་ཅིག་ཡོད།།
དེ་དང་མཐུན་པའི་ཡུལ་སྲོལ་གོམས་གཤིས་ཤིག།།
རང་རང་ས་ན་རང་གི་འགུལ་རིས་ཤིག།།
༦
འདི་འདྲ་ཡིན་ན་ཁྱོད་ནི་གང་ལ་གཏོགས།།
དེ་དང་དེ་མཚུངས་ང་ནི་གང་གི་རྒྱུད།།
རྒྱུད་པ་མི་ཅིག་ཟེར་བ་ངོ་མཚར་ཆེ།།
འདི་ནི་ངེད་གཉིས་འགུལ་རིས་མིན་ནམ་ཅི།།
  ༧
སྙན་གྲགས་ཟེར་བའི་མིང་སྐམ་དུམ་བུ་ལ།།
ཁྱོད་ནི་དགའ་ཞིང་ང་ནི་དུངས་བ་འདི།།
ངེད་གཉིས་བར་གྱི་མཐུན་པའི་རང་སྒྲ་དང་།།
གཅིག་གིས་གཅིག་ལ་འགུལ་རིས་ལྷོད་མོ་སྟེར།།
༨
སྟེས་དབང་ཟེར་བའི་ཐ་སྙད་བརྗིད་པོ་འདི།།
ཁྱོད་ཀྱིས་དེ་ལ་ཁྲག་འཛིན་མེ་ཏོག་ཟེར།།
ང་ཡིས་དེ་ལ་མགོ་བསྐོར་འཁྱམས་པོ་ཟེར།།
ཕྱིར་མདངས་བརྒྱབ་ན་འཁྲུག་བའི་འགུལ་རིས་ཤིག།
  ༩
མི་རྟགས་འཇིག་རྟེན་སྒྱུ་མའི་ཟློས་གར་ལ།།
ངེད་གཉིས་དགའ་བ་ལུས་སེམས་ཟུང་འབྲེལ་རེད།།
སྔོན་གྱི་རི་མོ་བྲིས་བ་དཔའ་རྟག་ཙམ།།
འདི་དག་བསམ་ན་འགུལ་རིས་ལྷོད་མོ་ཞིག།
༡༠
སྤྱན་གྱིས་བཟུང་བའི་དཔོན་པོའི་བརྗིད་ཉམས་དང་།།
རྫུན་གྱིས་བྲིས་བས་བླ་མའི་གསུང་བསྔག་ལ།།
ཡིད་ཆེས་ཆེ་བ་དེང་གི་འབྲོག་ཕྲུག་ཚོ།།
འདི་ནི་དུངས་བའི་འགུལ་རིས་ཡག་ཤོས་ཡིན།།
  ༡༡
གཞན་ལ་བྲིས་བའི་སྙན་མོའི་མགུར་གླུའི་ཁྲོད།།
རང་ལ་ལྟ་བའི་མེ་ལོང་གོར་ན་ལེགས་།།
སེམས་པ་དཀྲུག་པའི་ན་ཟུག་མེད་ན་བཟང་།།
འདི་ནི་ང་ཚོའི་འགུལ་རིས་སྐྱིད་པོ་ཡིན།།
  ༡༢
གྲོང་ལ་འཁྱམས་པའི་དགེ་འདུན་ཕལ་མོ་ཆེའི།།
ཁང་བརྩེགས་ཁྲོད་ཀྱི་མཛེས་མའི་སྣང་བརྙན་ལ།།
སྤྱན་གྱིས་འཛེད་པ་ངོ་མཚར་མི་ཆེ་རམ།།
དགེ་འདུན་པ་ལ་སྲེང་བའི་འགུལ་རིས་ཡིན།།
༡༣
སངས་རྒྱུས་བཤད་དུས་དགྲ་བོ་ཐོན་པ་འདྲ།།
ལོག་ལྟ་བ་ལ་བསྲིང་པའི་ལག་པ་ཡིན།།
དེ་འདྲ་འདི་ལ་དགག་ལན་ཁྱེར་སྟེ་ཤོག།
ཧ་སྲས་ང་ཡིས་སྒུག་ནས་འདུག་ལེ་ཡིན།།

༢༠༡༤ ༤ ༡༥ཉིན།

གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
རྩོམ་སྒྲིག་པ། མགར་ཚེ་རིང་བཀྲ་ཤིས།


	འདྲེན་བཀོལ:	61.4K

དཔྱད་གཏམ ( 0 )ཡོད།

དཔྱད་གཏམ་སྤེལ་ས།

སྤེལ་མཁན།

བཤེར་གྲངས།

42t8 བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།

ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།

ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།

མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།

ལྟ་ཀློག་གྲངས་ཀ

46474847

དྲ་ཚིགས་བཟོ་སྐྲུན།

འབྲེལ་གཏུག་བྱ་ཡུལ། ཁ་པར། 草原梦想15283703999 E-mail:tbmgar@163.com

པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།