ལྡོག་འཆར།༼རྨ་ཆུ།༽

དྲན་པ་ནས་དྲན་པ་བརྒྱུས་ཏེ།།

རྒྱབ་གཟུཊ་ཤིག་ཞེ་ལ་ཐོགས་ཡོང་།།

གནག་སྣུམ་གྱི་སྐྲ་ལོ་དེ་ཡང་།།

སྣུམ་ཤིག་སེ་མིག་ལ་འཁོར་ཡོང་།།

ཁྲ་མ་ནས་ཁྲ་མར་བལྟས་ཏེ།།

མི་ཚོགས་ནས་མི་ཚོགས་བརྒྱུད་དེ།།

དྲན་པ་ཡི་རྩེ་མོ་བཙལ་དུས།།

དགོད་སྒྲ་ཞིག་ག་ལེར་ཐོས་ཡོང་།།

མྱི་ཁ་ནས་མྱི་ཁ་བརྒལ་ཏེ།།

གཏམ་ཡན་ནས་གཏམ་ཡན་བརྟོལ་ཏེ།།

མི་ཚོགས་ནས་སྐད་འབོད་གཏོང་དུས།།

ཟུར་ཉན་གྱི་གྲིབ་རིས་གསལ་ཡོང་།།

འཕྲིན་པ་ལ་འཕྲིན་པ་བརྩེགས་ཏེ།།

སེམས་པ་ལ་སེམས་པ་གླན་དུས།།

ཨ་ལན་གྱི་ཚིག་གཤིས་འཇམ་པོས།།

ཡ་ཁོག་གི་འཚེར་སྣང་གཞོམ་ཡོང་།།

ཉི་མ་ནས་ཟླ་བ་བརྩིས་ཏེ།།

ཟླ་བ་ལ་ལོ་གྲངས་བཞག་ནས།།

མཐའ་མ་ཡི་ལས་ཀྱི་རི་མོར།།

རླངས་པ་རུ་མེད་ན་བསམ་ཡོད།།

                             ༢༠༡༤/༠༣/༢༥ཉིན།