དཔེ་འཕྲིན། མཁས་པ་སྒོ་དྲུག་སོགས་ཀྱི་གསུང་འབུམ་པར་དུ་བསྐྲུན་པ།

སྤྱི་ལོ་༢༠༢༥ལོའི་ཟླ་༡པོའི་ཚེས་༡༥ཉིན་རྒྱལ་རོང་མཚམས་གནས་ཐོས་བསམ་ནོར་བུའི་གླིང་གི་ལོ་མཇུག་རྒྱུགས་སྤྲོད་དང་སྦྲགས་མཆོག་སྤྲུལ་འཇམ་དཔལ་ཤེས་རབ་རྒྱལ་མཚན་ནམ་རྒྱལ་རོང་ཀརྨ་རིན་པོ་ཆེ་དབུ་བཞུགས་ཀྱིས་འཕགས་བོད་མཁས་པའི་གསུང་འབུམ་ཕྱོགས་བསྒྲིགས་པོད་བཅུ་བདུན་གྱི་བདག་ཉིད་ཅན་གྱི་དབུ་འབྱེད་མཛད་རིམ་བསྐྱངས།
ད་ལན་འཕགས་བོད་མཁས་པའི་གསུང་འབུམ་ཁྲོད་དུ་སློབ་དཔོན་བློ་གྲོས་བརྟན་པའི་གསུང་འབུམ་དང་། བི་ཀྲ་མ་ཤི་ལཱའི་མཁས་པ་སྒོ་དྲུག་གི་གསུང་འབུམ་ཕྱོགས་བསྒྲིགས། རྒྱའི་བཙུན་པ་སློབ་དཔོན་ཝན་ཚིག་གི་གསུང་འབུམ་བཅས་ཡོད།

དེབ་ཕྲེང་དང་པོ།

འཕགས་བོད་མཁས་པའི་གསུང་འབུམ་ཕྱོགས་བསྒྲིགས་ལས་དེབ་ཕྲེང་89པ་ནས་94པའི་བར་གྱི་པོད་དྲུག་ནི་སློབ་དཔོན་དབྱིག་གཉེན་གྱི་རང་ལས་མཁས་པའི་སློབ་མ་བཞིའི་ཡ་གྱལ་མངོན་པ་རང་ལས་མཁས་པའི་སློབ་དཔོན་བློ་གྲོས་བརྟན་པའི་གསུང་འབུམ་ཡིན་ལ། གསུང་འབུམ་འདིར་ཕུང་པོ་ལྔའི་རབ་ཏུ་བཤད་པ་དང་། སུམ་ཅུ་པའི་འགྲེལ་པ། དབུས་མཐའི་འགྲེལ་པ། ཆོས་མངོན་པ་མཛོད་ཀྱི་འགྲེལ་པ། མདོ་སྡེའི་རྒྱན་གྱི་འགྲེལ་པ་སོགས་སེམས་ཙམ་གྱི་གཞུང་འགྲེལ་མང་དུ་བཞུགས།

དེབ་ཕྲེང་གཉིས་པ།

འཕགས་བོད་མཁས་པའི་གསུང་འབུམ་ཕྱོགས་བསྒྲིགས་ལས་དེབ་ཕྲེང་95པ་ནས་101པའི་བར་གྱི་པོད་བརྒྱད་ནི་བི་ཀྲ་མ་ཤི་ལཱའི་མཁས་པ་སྒོ་དྲུག་གི་གསུང་འབུམ་ཡིན། གངས་ལྗོངས་རྒྱལ་བསྟན་གྱི་ཆུ་འགོ་གཉིས་པ་བི་ཀྲ་མ་ཤི་ལཱའི་མཁས་པ་གསེར་རིའི་ཕྲེང་པ་ལྟ་བུ་ལས་གདན་ཐོབ་བླ་ལྷག་ཏུ་མཐོ་བ་ཕྱོགས་བཞིའི་སྒོ་སྲུང་ཆེན་པོ་བཞི་དང་དབུས་ཀྱི་ཀ་ཆེན་རྣམ་གཉིས་ཏེ་ཡོངས་གྲགས་སུ་མཁས་པ་སྒོ་དྲུག་ཅེས་པའི་ཤར་སྒོ་སྲུང་བ་པཎ་ཆེན་རཏྣ་ཨཱ་ཀ་ར་ཤཱནྟིའམ་རིན་ཆེན་འབྱུང་གནས་ཞི་བའི་གསུང་རྩོམ་ལ་ཆོས་ཚན་ཉེར་ལྔ་དང་། ལྷོ་སྒོ་སྲུང་བ་པྲཛྙཱ་ཀ་ར་གུཔྟ་སྟེ་ཤེས་རབ་འབྱུང་གནས་བློ་གྲོས་ཀྱི་གསུང་རྩོམ་ལ་ཆོས་ཚན་གསུམ། ནུབ་སྒོ་སྲུང་བ་ངག་གི་དབང་ཕྱུག་གྲགས་པའི་གསུང་རྩོམ་ལ་ཆོས་ཚན་བཅུ་གཉིས། བྱང་སྒོ་སྲུང་བ་པཎ་ཆེན་ནཱ་རོ་པའི་གསུང་རྩོམ་ལ་ཆོས་ཚན་ཉེར་གསུམ། དབུས་ཀྱི་ཀ་ཆེན་དང་པོ་རཏྣ་བཛྲ་སྟེ་བྲམ་ཟེ་རིན་ཆེན་རྡོ་རྗེའི་གསུང་རྩོམ་ལ་ཆོས་ཚན་བཅུ་དགུ། དབུས་ཀྱི་ཀ་ཆེན་གཉིས་པ་ཛྙཱ་ན་ཤྲཱི་བྷ་དྲའི་གསུང་རྩོམ་ལ་ཆོས་ཚན་གསུམ་བཞུགས་པ་སོགས་ཁྱོན་གསུང་འབུམ་པོད་བརྒྱད་བཞུགས།

དེབ་ཕྲེང་གསུམ་པ།

འཕགས་བོད་མཁས་པའི་གསུང་འབུམ་ཕྱོགས་བསྒྲིགས་ལས་དེབ་ཕྲེང་102པ་ནས་105པའི་བར་གྱི་པོད་གསུམ་ནི་རྒྱའི་བཙུན་པའམ་ཁོ་རེ་ཡའི་སློབ་དཔོན་ཝན་ཚིག་གི་མདོ་སྡེ་དགོངས་པ་ངེས་འགྲེལ་གྱི་འགྲེལ་ཆེན་ཡིན།

རབས་འདིའི་འཕགས་བོད་མཁས་པའི་གསུང་འབུམ་ཕྱོགས་བསྒྲིགས་ལས་པོད་ཕྲེང་17གྱི་བདག་ཉིད་ཅན་འདིའང་དེ་སྔོན་དཔར་དུ་བསྐྲུན་པའི་རྒྱན་དྲུག་མཆོག་གཉིས་དང་། འཕགས་བོད་མཁས་པའི་གསུང་འབུམ་ཕྱོགས་བསྒྲིགས་ཀྱི་འཕྲོ་མཐུད་ནས་སི་ཁྲོན་མི་རིགས་དཔེ་སྐྲུན་ཁང་ནས་དཔར་དུ་བསྐྲུན་པ་ཡིན།
ངེད་རྒྱལ་རོང་མཚམས་གནས་ཐོས་བསམ་ནོར་བུའི་གླིང་རིག་གཞུང་རྩོམ་སྒྲིག་ཁང་གིས་སྡེ་དགེའི་དཔར་མ་གཞིར་བཟུང་ནས་སྣར་ཐང་། པེ་ཅིན། ཅོ་ནེ་བཅས་ཀྱི་བསྟན་འགྱུར་ཁག་ལ་དཔེ་བསྡུར་བྱས་ནས་ཞབས་མཆན་བཀོད་ཡོད་ལ། གཞུང་ཚན་ཁག་ཅིག་ལ་དེ་སྔོན་ས་བཅད་བཀྲམ་མེད་པས་ཐེངས་འདིར་གསར་དུ་ས་བཅད་བཀྲམ་པ་སོགས་གང་ཅི་ཐུབ་ཀྱིས་མཁས་པ་དགྱེས་པའི་མཆོད་སྤྲིན་ཞིག་ཏུ་འགྱུར་བར་འབད་བརྩོན་ལྷོད་མེད་བགྱིས་ཡོད་དོ།།

昌列寺《丝路文库系列丛书——古译经典文献荟萃17卷》新书发布会

2025年1月15日

昌列寺召开《丝路文库系列丛书——古译经典文献荟萃17卷》卷新发布会。由昌列寺嘉绒讲修院祖古颜班希热将参主持，昌列寺众僧参加，在昌列寺随着发布会的开展正式出版发行。

《丝路文库系列丛书——古译经典文献荟萃17卷》一书，由昌列寺嘉绒讲修院学术编辑部主编，四川民族出版社出版。全文收录《安慧论师文集》、《超戒寺六贤门文集》、《圆测大师文集》等汇编成册。具体内容如下：

第一部分：《丝路文库系列丛书——古译经典文献荟萃17卷》（第89卷至94卷），这部分收录了世亲法师四贤徒之安慧论师的文集，其主要内容包括安慧论师所著的，《大乘广五蕴论》、《唯识三十颂释论》、《大乘中观论释》、《俱舍实义释》、《大乘阿毗达摩杂集论》等。

第二部分：《丝路文库系列丛书——古译经典文献荟萃17卷》（第95卷至101卷）主要收录了毗讫罗摩尸罗所著的《超戒寺六贤门文集》。具体内容包括毗讫罗摩尸罗所著包涵六贤门之守东门的《宝寂文集》25部，守南门的《智生慧文集》3部，守西门的《自在语称文集》12部，守北门的《那洛巴尊者文集》23部，守第一中门《宝金刚文集》19部，守第二中门《智吉祥友文集》3部，累计整理合订为8卷。