ཝུན་ཅ་པའོ་ཡིས་ཁམ་ཕུ་ཁྲེའི་རྒྱལ་ཡུམ་མའོ་ཞི་ལེ་དང་རྒྱལ་བོ་ཞི་ཧཱ་མའོ་ཉིས་ལ་ཁམས་འདྲི་ཞུས་པ།
ཡོང་ཁུངས། མཚོ་སྔོན་བོད་སྐད་རླུང་འཕྲིན།
སྤྱི་ཟླ2པའི་ཚེས21ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ཝུན་ཅ་པའོ་པེ་ཅིན་དུ་ཡོད་པའི་ཁམ་ཕུ་ཁྲེའི་རྒྱལ་ཡུམ་དང་ཞི་ཧཱ་ནུའུ་ཁི་འཚོ་བཞུགས་སྐབས་ཀྱི་བཞུགས་ཤག་ཏུ་ཕེབས་ཏེ། རྒྱལ་ཡུམ་མའོ་ཉིས་ལེ་དང་རྒྱལ་བོ་ཞི་ཧཱ་མའོ་ཉིས་རྣམ་གཉིས་ལ་སྐོར་བརྒྱབ་ནས། ཁོ་ཚོ་ཕྱིར་པེ་ཅིན་དུ་ཡོང་ནས་ཁམས་གསོ་བྱེད་པར་དགའ་བསུ་དང་། ལོ་སར་གྱི་བཀྲ་ཤིས་སྨོན་འདུ་ཞུས།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ཝུན་ཅ་པའོ་ཟླ2པའི་ཚེས21ཉིན་པེ་ཅིན་དུ་ཡོད་པའི་ཁམ་ཕུ་ཁྲེའི་རྒྱལ་ཡུམ་དང་ཞི་ཧཱ་ནུའུ་ཁི་འཚོ་བཞུགས་སྐབས་ཀྱི་བཞུགས་ཤག་ཏུ་ཕེབས་ཏེ། རྒྱལ་ཡུམ་མའོ་ཉིས་ལེ་དང་རྒྱལ་བོ་ཞི་ཧཱ་མའོ་ཉིས་རྣམ་གཉིས་ལ་སྐོར་བརྒྱབ་ནས། ཁོ་ཚོ་ཕྱིར་པེ་ཅིན་དུ་ཡོང་ནས་ཁམས་གསོ་བྱེད་པར་དགའ་བསུ་དང་། ལོ་སར་གྱི་བཀྲ་ཤིས་སྨོན་འདུན་ཞུས།
ཝུན་ཅ་པའོ་ཡིས་ཡབ་རྒྱལ་བོ་ཞི་ཧཱ་ནུའུ་ཁི་ཡིས་ཀྲུང་གོ་དང་ཁམ་ཕུ་ཁྲེ་བར་གྱི་བརྩེ་བ་ཇེ་ཟབ་ཏུ་གཏོང་བར་བསུབ་ཐབས་བྲལ་བའི་ལོ་རྒྱུས་རང་བཞིན་གྱི་མཛད་རྗེས་བསྐྲུན་པས། ནམ་ཡང་ཀུན་གྱིས་རྗེས་སུ་དྲན་པ་ཡིན། རྒྱལ་ཡུམ་མའོ་ཉིས་ལེ་དང་རྒྱལ་བོ་ཞི་ཧཱ་མའོ་ཉིས་རྣམ་གཉིས་ཀྱིས་ཀྱང་ཀྲུང་གོ་དང་ཁམ་ཕུ་ཁྲེ་བར་གྱི་འབྲེལ་བ་ཇེ་ཟབ་ཏུ་གཏོང་བར་ཁྱད་པར་ཅན་གྱི་ནུས་པ་གལ་ཆེན་འདོན་གྱིན་ཡོད་པས། ཡབ་རྒྱལ་བོ་དང་འདྲ་བར་ང་ཚོའི་གུས་བར་འོས་པའི་བློས་ཐུབ་ཀྱི་གྲོགས་པོ་ཡིན། དུས་ནམ་ཞིག་གི་ཚེ། ཀྲུང་གོ་ནི་ཁྱེད་ཚོའི་ཁྱིམ་གཞིས་དྲོན་མོ་ཡིན་ལ།རྒྱལ་སྤྱི་དང་ས་ཁུལ་གྱི་གནས་བབ་ལ་འགྱུར་ལྡོག་ཇི་འདྲ་བྱུང་རུང་། ཀྲུང་གོའི་ཕྱོགས་ཀྱིས་ཁམ་ཕུ་ཁྲེ་ཕྱོགས་དང་ལྷན་དུ་སྐྱིད་སྡུག་མཉམ་མྱོང་བྱས་ཏེ་མདུན་ནས་མདུན་དུ་སྐྱོད་རྒྱུ་ཡིན་ཞེས་གསུངས།
རྒྱལ་ཡུམ་མའོ་ཉིས་ལེ་དང་རྒྱལ་བོ་ཞི་ཧཱ་མའོ་ཉིས་ཀྱིས་ཝུན་ཅ་པའོ་ཁམས་འདྲིར་ཕེབས་པར་སྙིང་ཐག་པ་ནས་ཐུགས་རྗེ་ཆེ་ཞུས་པ་དང་། ཀྲུང་གོ་སྲིད་གཞུང་དང་མི་དམངས་ཀྱིས་དུས་ཡུན་རིང་བོར་ཐུགས་ཁུར་དང་རོགས་རམ་གནང་བར་ཐུགས་རྗེ་ཆེ་ཞུས། །
| 