|
ཟླ་བཞི་བའི་ཚེས་དྲུག་ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕེན་གྱིས་ཧེ་ནན་ཞིང་ཆེན་གྱི་སན་ཡ་གྲོང་ཁྱེར་དུ་དགའ་བསུ་ཞུ་བའི་མཛད་སྒོ་བསྡུས་ནས། མོ་ཞི་ཁོའི་ཙུང་ཐུང་ཕེ་ཉི་ཡ་རང་རྒྱལ་དུ་རྒྱལ་དོན་འཚམས་འདྲིར་ཡོང་བར་བསུ་བ་བྱས།
རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕེན་གྱིས་ཚེས་དྲུག་ཉིན་གྱི་ཕྱི་དྲོར་ཧེ་ནན་ཞིང་ཆེན་གྱི་སན་ཡ་གྲོང་ཁྱེར་དུ་དགའ་བསུ་ཞུ་བའི་མཛད་སྒོ་བསྡུས་ནས། མོ་ཞི་ཁོའི་ཙུང་ཐུང་ཕེ་ཉི་ཡ་རང་རྒྱལ་དུ་རྒྱལ་དོན་འཚམས་འདྲིར་ཡོང་བར་བསུ་བ་བྱས།
ཞི་ཅིན་ཕེན་གྱི་ལྕམ་མོ་ཕིན་ལེ་ཡོན་དང་ཝང་ཧུའུ་ཉིན། ལེ་ཀྲན་ཧྲུའུ། ཡང་ཅེ་ཁྲི་སོགས་དགའ་བསུ་ཞུ་བའི་མཛད་སྒོར་ཞུགས།
རྒྱལ་ཁབ་གཉིས་ཀྱི་མགོ་གཙོ་གཟིགས་ཞིབ་སྟེགས་བུའི་སྟེང་ཕེབས་པ་དང་དམག་དཔུང་གི་རོལ་ཆའི་རུ་ཁག་གིས་མོ་ཞི་ཁོ་དང་ཀྲུང་གོ་རྒྱལ་ཁབ་གཉིས་ཀྱི་རྒྱལ་གླུ་དཀྲོལ། ཞི་ཅིན་ཕེན་དང་ཕེ་ཉི་ཡ་རྣམ་གཉིས་ཀྱིས་ཀྲུང་གོ་མི་དམངས་བཅིངས་འགྲོལ་དམག་གི་དམག་དཔུང་གསུམ་པའི་གཟབ་སྦྲེང་རུ་ཁག་ལ་གཟིགས་ཞིབ་གནང་། ཕེ་ཉི་ཡ་ཡིས་ཙུང་ཐུང་གི་འགན་འཁུར་རྗེས་ཐོག་དང་པོར་རང་རྒྱལ་ལ་འཚམས་འདྲིར་ཡོང་བ་ཡིན་ལ། འཚམས་འདྲིའི་སྐབས་སུ་ཁོ་རང་པོ་ཨོ་ཨེ་ཤ་ཡའི་གླེང་སྟེགས་ཀྱི་ཉིས་སྟོང་བཅུ་གསུམ་ལོའི་ལོ་ཚོགས་ལ་ཞུགས་རྒྱུ་རེད།
ལོ་ཙཱ་བ། བཀྲ་ཤིས་འབུམ།
| 