|
མཚོ་སྔོན་དགེ་ཐོན་སློབ་ཆེན་གྱིས་འགོ་མཛིན་བྱས་པའི་རྒྱལ་ཁབ་སྤྱི་ཚོགས་ཚན་རིག་ཐེབས་རྩའི་ལས་གཞི་མཚོ་བོད་མཐོ་སྒང་གི་ཡུལ་སྐོར་གསར་སྤེལ་ཞིབ་འཇུག་དེ་ཉེ་སྔོན་ཆེད་མཁས་པས་གདེང་འཇོག་བྱས་ནས་ཆོག་མཆན་ཐོབ་པ་དང་། དེའི་གྲུབ་འབྲས་ཚན་རིག་པར་སྐྲུན་ཁང་གིས་ཟླ་ལྔ་བར་དངོས་སུ་པར་བསྐྲུན་འགྲེམ་སྤེལ་བྱས། ལས་གཞི་འདིས་ཐོག་དང་པོར་མཚོ་བོད་མཐོ་སྒང་དེ་རང་རྐྱ་འཕེར་བ་དང་གཅིག་གྱུར་གྱི་ས་ཁོངས་ཤིག་ཏུ་རྩིས་ནས་ཡུལ་སྐོར་གསར་སྤེལ་ཞིབ་འཇུག་བྱས་ཏེ། མཚོ་བོད་མཐོ་སྒང་གི་ཡུལ་སྐོར་གསར་སྤེལ་མ་དཔེའི་མ་ལག་རང་བཞིན་གྱི་རིག་གཞུང་གི་སྟོང་ཆ་བསྐངས་བ་མ་ཟད། མཚོ་བོད་མཐོ་སྒང་གི་ཁྱད་དུ་འཕགས་པའི་ཡུལ་སྐོར་ཐོན་ཁུངས་ཀྱི་གསར་སྤེལ་མ་དཔེ་ལ་ཚན་རིག་གི་གཞི་འཛིན་ས་འདོན་སྤྲོད་བྱས།
མཚོ་བོད་མཐོ་སྒང་གི་ཡུལ་སྐོར་གསར་སྤེལ་ཞིབ་འཇུག་གིས་ཞིང་ཆེན་ས་ཁོངས་ཀྱི་ས་མཚམས་གཏོར་ནས། མཚོ་བོད་མཐོ་སྒང་གི་སྔར་ཡོད་ཀྱི་རང་བྱུང་ས་ཁམས་དང་ཡུལ་སྐོར་ཐོན་ཁུངས་ཀྱི་དོན་དངོས་གཞིར་བཟུང་ནས། ཡིག་ཆ་རྩ་ཆེན་གྱི་རྨང་གཞིའི་སྟེང་། མཚོ་བོད་མཐོ་སྒང་གི་རིག་གནས་ཡུལ་སྐོར་ཐོན་ཁུངས་གསར་སྤེལ་དང་སྐྱེ་ཁམས་ཡུལ་སྐོར་གསར་སྤེལ། ཡུལ་སྐོར་གསར་སྤེལ་དང་སྐྱེ་ཁམས་བདེ་འཇགས། ཡུལ་སྐོར་ས་ཆའི་ཚེ་སྲོག་དུས་འཁོར་དང་ཐེམ་སྐས་རང་བཞིན་གྱི་ཡུལ་སྐོར་མ་དཔེ་སོགས་ཆེད་དོན་བཅུ་གཅིག་གི་ཐད་ནས་དཔྱད་བསྡུར་དབྱེ་ཞིབ་བྱས་པ་མ་ཟད། མཚོ་བོད་མཐོ་སྒང་གི་ཡུལ་སྐོར་གསར་སྤེལ་ཁྲོད་དོ་སྣང་བྱེད་དགོས་བའི་ཕྱོགས་ལྔའི་ཐད་ཀྱི་གནད་དོན་དངོས་སུ་བཏོན།
ལས་གཞི་འདིའི་འགན་ཁུར་བ་མཚོ་སྔོནདགེ་ཐོན་སློབ་ཆེན་ས་ཁམས་སྡེ་ཁག་གི་དགེ་རྒན་ཆེན་མོ་ཀྲང་ཞའོ་ཀྲོན་གྱིས་མཚམས་སྦྱོར་བྱས་པ་ལྟར་ན། 2007ལོར་རྒྱལ་ཁབ་སྤྱི་ཚོགས་ཚན་རིག་འཆར་འགོད་གཞུང་སྒྲུབ་ཁང་ལ་གྲོས་གཞི་འདི་རེ་ཞུ་བྱས་ནས་ཆོག་མཆན་ཐོབ་རྗེས། གྲོས་གཞི་ཚན་ཆུང་གིས་སྔ་གཞུག་ཏུ་འབྲེལ་ཡོད་མི་སྣ་རྩ་འཛུགས་བྱས་ཏེ་མཚོ་བོད་ལྕགས་ལམ་ལམ་རྒྱུད་དང་། ལྷ་ས་དང་དེའི་མཐའ་འཁོར་གྱི་གཞིས་ཀ་རྩེ་དང་ཉིང་ཁྲི། ལྷོ་ཁ་ས་ཁུལ་བཅས་ལ་ཐེངས་མང་པོར་ཡུལ་དངོས་རྟོག་ཞིབ་བྱས་པ་མ་ཟད། ཡུན་ནན་ནས་བོད་ལྗོངས་དང་། ཟི་ཁྲོན་ནས་བོད་ལྗོངས། མཚོ་སྔོན་ནས་ཁམས་ཕྱོགས་བཅས་བར་གྱི་གཞུང་ལམ་ལམ་རྒྱུད་ཀྱི་ཡུལ་སྐོར་གསར་སྤེལ་གྱི་ད་ལྟའི་གནས་ཚུལ་ལ་དངོས་སུ་རྟོག་ཞིབ་བྱས་པ་དང་། ལོ་ལྔའི་འཆར་གཞི་བཅུ་གཉིས་པའི་སྐབས་སུ། རང་རྒྱལ་གྱིས་གསོ་སྐྱོང་བྱས་པའི་ཡུལ་སྐོར་རྩོལ་ནུས་ཁུལ་ཁྲོད། མཚོ་བོད་གཞུང་ལམ་ལམ་རྒྱུད་ཀྱི་ཡུལ་སྐོར་ཁུལ་དང་གཙང་གསུམ་མགོ་ཁུངས་ཡུལ་སྐོར་ཁུལ། སེམས་ཀྱི་ཉི་ཟླའི་ཡུལ་སྐོར་ཁུལ་བཅས་ཚང་མ་མཚོ་བོད་མཐོ་སྒང་ཡུལ་སྐོར་ཐོན་ཁུངས་ཀྱི་ཉིང་བཅུད་ས་ཁོངས་སུ་རྩིས་ཆོག ས་ཁུལ་འདིའི་ཡུལ་སྐོར་ཐོན་ཁུངས་དང་གསར་སྤེལ་མ་དཔེར་མ་ལག་རང་བཞིན་གྱི་ཞིབ་འཇུག་བྱས་པ་བརྒྱུད་ནས། མཚོ་བོད་མཐོ་སྒང་དེ་འཛམ་གླིང་ན་སྙན་གྲགས་ཆེ་བའི་སྐྱེ་ཁམས་ཡུལ་སྐོར་ཁུལ་ཞིག་ཏུ་བསྐྲུན་པར་དཔྱད་གཞི་གལ་ཆེན་འདོན་སྤྲོད་བྱས་ཟེར།
ཉེ་བའི་ལོ་འགའི་རིང་མཚོ་བོད་མཐོ་སྒང་གི་དཔལ་འབྱོར་སྤྱི་ཚོགས་མགྱོགས་མྱུར་ངང་འཕེལ་རྒྱས་སུ་སོང་བ་དང་རྨང་གཞིའི་སྒྲིག་ཆས་འཐུས་ཇེ་ཚང་དུ་སོང་བ་དང་། ལྷག་པར་དུ་མཚོ་བོད་ལྕགས་ལམ་ལས་བ་དང་བསྟུན་ནས། མཚོ་བོད་མཐོ་སྒང་དེ་ཡུལ་སྐོར་བྱེད་ས་བཟང་བོ་ཞིག་ཏུ་གྱུར་བས། མཚོ་བོད་མཐོ་སྒང་གི་ཡུལ་སྐོར་ཐོན་ཁུངས་གསར་སྤེལ་བྱེད་པ་མ་ཟད། ཧུར་ཐག་་གིས་ཡུལ་སྐོར་ལས་རིགས་འཕེལ་རྒྱས་སུ་གཏོང་བའི་གོ་རིམ་ཁྲོད་ཉམས་ཆུང་བའི་སྐྱེ་ཁམས་ཁོར་ཡུག་ལ་སྲུང་སྐྱོབ་དང་། ཕུལ་དུ་བྱུང་བའི་མི་རིགས་རིག་གནས་ཀྱི་མཚོ་བོད་མཐོ་སྒང་གི་ཡུལ་སྐོར་གསར་སྤེལ་ཞིབ་འཇུག་ལ་སྲུང་སྐྱོབ་བྱེད་པའི་བྱེད་ཐབས་ལ་འཚོལ་ཞིབ་བྱེད་རྒྱུ་ནི་ཁ་ཚ་དགོས་གཏུག་གི་གནས་ཚུལ་ཞིག་ཏུ་གྱུར་ཡོད།
ཀྲོང་གོ་བོད་ཀྱི་དྲ་བ་ལས་བཤུས།
|