ཟླ་ལྔ་བའི་ཚེས་སུམ་ཅུ་ཉིན། 2013ལོའི་ཨེ་ཤ་ཡའི་སྲིད་ཏང་ཆེད་དོན་གྲོས་ཚོགས་ཞི་ཨན་ནས་བསྡུས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན།རྒྱལ་ཁབ་ཀྱི་ཀྲུའུ་ཞི་གཞོན་པ་ལིས་ཡོན་ཁྲའོ་ཚོགས་མགོ་རྩོམ་པའི་མཛད་སྒོར་ཞུགས་པར་མ་ཟད་མཉམ་དུ་གྲོས་ཚོགས་སུ་ཞུགས་པའི་ཕྱི་རྒྱལ་གྱི་འཐུས་མིར་ཐུག་འཕྲད་བྱས་པ།
2013ལོའི་ཨེ་ཤ་ཡའི་སྲིད་ཏང་ཆེད་དོན་གྲོས་ཚོགས་ཟླ་ལྔ་བའི་ཚེས་སུམ་ཅུ་ཉིན་ཞི་ཨན་ནས་བསྡུས། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན།རྒྱལ་ཁབ་ཀྱི་ཀྲུའུ་ཞི་གཞོན་པ་ལིས་ཡོན་ཁྲའོ་ཚོགས་མགོ་རྩོམ་པའི་མཛད་སྒོར་ཞུགས་པར་མ་ཟད་མཉམ་དུ་གྲོས་ཚོགས་སུ་ཞུགས་པའི་ཕྱི་རྒྱལ་གྱི་འཐུས་མིར་ཐུག་འཕྲད་བྱས། ཁོས་བཤད་རྒྱུར།ཞི་བདེ་དང་འཕེལ་རྒྱས།མཉམ་ལས།མཉམ་རྒྱལ་བཅས་ནི་དུས་རབས་ཀྱི་རླབས་རྒྱུན་དང་མི་དམངས་ཀྱི་རེ་སྒུག་ཡིན་པས།ཨེ་ཤ་ཡའི་སྲིད་ཏང་སོ་སོས་རང་རྟོགས་སྒོས་ཨེ་ཤ་ཡ་ཡུན་རིང་ཞི་བདེ་ཡོང་བའི་སྲུང་སྐྱོབ་བྱེད་མཁན་དང་མཉམ་དུ་འཕེལ་རྒྱས་ཀྱི་གསར་གཏོད་བྱེད་མཁན།མཛའ་མཐུན་མཉམ་ལས་ལ་སྐུལ་འདེད་གཏོང་མཁན། གཉིས་ཕན་མཉམ་རྒྱལ་གྱི་དར་སྤེལ་བྱེད་མཁན་བཅས་བྱེད་དགོས་ཞེས་བསྟན།
རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ།ཀྲུང་གུང་ཀྲུང་དབྱང་ཕྱི་ཕྱོགས་འབྲེལ་གཏུག་པུའུ་ཡི་པུའུ་ཀྲང་ཝང་ཅ་རོས་ཚོགས་མགོ་རྩོམ་པའི་མཛད་སྒོར་ཞུགས་པར་མ་ཟད་ཕྱི་རྒྱལ་གྱི་འཐུས་མིར་ཐུག་འཕྲད་བྱས།
སིང་གྷ་ལའི་ཙུང་ཐུང་ལ་ཅ་ཕ་ཁི་ས་དང་། ལའོ་ཝུའོ་རྒྱལ་ཁབ་ཀྱི་ཀྲུའུ་ཞི་གཞོན་པ་པུན་དབྱང་། ཁམ་ཕུ་ཁྲེའི་དབུ་བཞུགས་བློན་ཆེན་གཞོན་པ་སོ་ཨན།ཨེ་ཤ་ཡའི་སྲིད་ཏང་རྒྱལ་སྤྱིའི་གྲོས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་ཞི་ཏེ་པེ་ནེ་ཞི་ཡ་བཅས་ཀྱིས་སོ་སོར་ཞུ་ཚིག་ཕུལ།མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཕན་ཅི་བུན་གྱིས་ཚོགས་ཆེན་སྟེང་བརྙན་འཕྲིན་ལ་བརྒྱུད་དེ་རྟེན་འབྲེལ་ཞུ་ཡིག་བཏང་།
ཐེངས་འདིའི་གྲོས་ཚོགས་ཀྱི་བརྗོད་བྱ་གཙོ་བོ་ནི་ལྷད་མེད་འཕེལ་རྒྱས་ལ་སྐུལ་འདེད་བཏང་སྟེ།མཉམ་དུ་མཛེས་སྡུག་ལྡན་པའི་ཨེ་ཤ་ཡ་འཛུགས་སྐྲུན་བྱེད་དགོས་ཞེས་པ་དེ་རེད།ཨེ་ཤ་ཡའི་རྒྱལ་ཁབ་ལྔ་བཅུ་ལྷག་གི་སྲིད་ཏང་གི་འཐུས་མི་དང་།ལ་ཏིན་མེ་གླིང་དང་གླིང་ཆེན་ཨ་ཧྥེ་རི་ཁའི་སྲིད་ཏང་ཁ་ཤས་དང་སྲིད་ཏང་རྩ་འཛུགས་ཀྱི་ལྟ་ཞིབ་པ་ཉིས་བརྒྱ་ལྷག་གྲོས་ཚོགས་སུ་ཞུགས།
ཞིན་ཧྭ་གསར་འགྱུར་དྲ་བ་ལས།
|