འདན་མའི་ལྷ་མདའ།

      དེ་རིང་རྫོང་སར་མཁྱེན་བརྩེ་རིན་པོ་ཆེ་ཡིས་ཁྲིད་ལུང་གནང་བཞིན་པའི་ཤེས་བྱ་མཛོད་ཀྱི་གླེགས་བམ་འདི་ནི།   འཇམ་མགོན་ཀོང་སྤྲུལ་བློ་གྲོས་མཐས་ཡས་དགུང་གྲངས་ལྔ་བཅུར་ཕེབས་པའི་རབ་བྱུང་བཅུ་བཞི་པའི་ཆུ་ཕོ་ཁྱི་ལོའམ་སྤྱི་ལོ་༡༨༦༢ ལོར་ལི་ཐང་མཁན་པོ་ཀརྨ་མ་ངེས་དོན་ནས་སྡོམ་གསུམ་གྱི་བསྟན་བཅོས་ཤིག་མཛད་དགོས་པར་སྐུལ་མ་ཞུས་སྐབས།   ཉིད་ཀྱི་དགོངས་པར་བསྟན་བཅོས་ཤིག་བྲིས་ན་སྡོམ་གསུམ་ཙམ་མ་ཡིན་པར།   ཤེེས་བྱའི་རྣམ་བཞག་ཆ་ཚང་བ་ཞིག་ཡོད་ན་ཕན་ཐོགས་ཆེ་བར་གཟིགས་ནས་བསླབ་པ་གསུམ་གྱི་བསྟན་བཅོས་ཤེས་བྱ་ཀུན་ཁྱབ་ཅེས་པའི་རྩ་བ་མཛད།   དེ་ཉིད་འཇམ་དབྱངས་མཁྱེན་བརྩེའི་དབང་པོར་གཟིགས་འབུལ་སྐབས།   འདི་ནི་ངེས་པར་སྔ་མའི་བྱིན་རླབས་དང་།   མཁའ་འགྲོས་རྩ་སྒོ་ཕྱེས་པའི་སྟོབས་ལས་བྱུང་ཡིན་འདུག་པས།   མཛོད་ཆེན་ལྔ་ཡི་ཐོག་མར་ཤེས་བྱ་མཛོད་དུ་བཞག་ནས།    རང་འགྲེལ་ཞིག་དགོས་ཞེས་ལེགས་པའི་གནང་སྐྱེས་བསྩལ་པར་བརྟེན།   དགུང་གྲངས་ང་གཅིག་བཞེས་པ་སྤྱི་ལོ་༡༨༦༣ ལོར་སྤྱི་ཟླ་བདུན་པའི་ནང་འགྲེལ་པ་ཆ་ཚང་གྲུབ་པར་རྩོམ་གནང་བ་མཛད་དོ། །