དེ་རིང་༢༠༢༠ལོའི་ཁཱ་ཤཱིའི“རེ་བའི་སྐར་ཚོམས་མི་རབས་གསར་པའི་དཔེ་བཟང་མི་སྣ”ལ་ཤེས་རིག་ཡར་སྐུལ་གཟེངས་རྟགས་འབུལ་བའི་མཛད་སྒོ་རྔ་ཡུལ་ཁཱ་ཤཱི་དགོན་བཀྲ་ཤིས་དགེ་འཕེལ་

བསམ་གཏན་གླིང་དུ་བསྡུས།

2020藏歷新年卡西村「希望之星，新一代楷模」頒獎盛典

      བོད་རྒྱལ་ལོ་ ༢༡༤༧ རབ་གནས་ལྕགས་བྱི་ལོའི་གནམ་ལོ་གསར་ཚེས་ཀྱི་ཉིན་བཟང་སྐལ་བཟང་འདི་ལ་ངས་རྔ་ཡུལ་ཁཱ་ཤཱི་དགོན་བཀྲ་ཤིས་དགེ་འཕེལ་བསམ་གཏན་གླིང་གི་གྲྭ་ཚང་འདུས་པ་རྒྱ་མཚོས་ཚབ་བྱས་ཏེ་བོད་གཞི་བྱེས་གཉིས་ཀྱི་རང་རེའི་སྤུན་ཟླ་ཡོངས་ཀྱི་བསམ་དོན་མཐའ་དག་འབད་མེད་ལྷུན་འགྲུབ་ཡོང་བའི་བཀྲ་ཤིས་སྨོན་འདུན་ཞུས་པ་ཡིན།

      དེ་དང་ཆབས་གཅིག་ཐེངས་འདིའི་ཤེས་རིག་ཡར་སྐུལ་གཟེངས་རྟགས་འབུལ་བའི་མཛད་སྒོ་ལ་སྡེ་དམངས་ཨུ་ཡོན་ལྷན་ཁང་གི་སྡེ་དཔོན་འཇམ་དཔལ་དང་དར་རྒྱས་གཉིས་ཀྱིས་རྒྱབ་སྐྱོར་གནང་བ་དང་། ལྷག་པར་དུ་རྒྱལ་ཕྱི་ནང་ཀུན་ལ་བཞུགས་པའི་རང་སྡེའི་ཚོང་རམས་པ་དག་དང་ལྷག་བསམ་ཅན་རྣམས་ཀྱིས་ཐེངས་འདིའི་བྱ་འགུལ་ལ་བརྩི་མཐོང་ཆེན་པོ་བྱེད་བཞིན་པ་ལ་བཀའ་དྲིན་ཆེ་ཞུ།

     དེ་རིང་གི་བྱ་འགུལ་ནི་ཁཱ་ཤཱི་དགོན་གྲོང་གི་རེ་བའི་སྐར་ཚོམས་ཁྲོད་ཀྱི་མི་རབས་གསར་བའི་དཔེ་བཟང་མི་སྣ་སྐོར་ཞིག་ཡིན་པར་མ་ཟད་ད་ལྟའི་མིག་དཔེ་དང་མ་འོངས་པའི་བདག་པོ་ཤ་སྟག་ཡིན་པས་ཁོ་ཚོར་མུ་མཐུད་དུ་མི་རིགས་སློབ་གསོ་སོགས་ལ་ཤུགས་རྒྱག་རྒྱུར་སྐུལ་མ་བྱ་བའི་ཆེད་དུ་ཡིན།

    མེ་ཏོག་ཆུང་ཡང་མཆོད་རྫས་དང་ཀུར་གུམ་ཉུང་ཡང་སྨན་རྫས་ཟེར་བའི་དཔེ་ལྟར་དེ་རིང་ང་ཚོས་འཛོམས་ཚོད་ཅིག་འབུལ་རྩིས་ཀྱི་བྱ་འགུལ་སྣང་མེད་དུ་མ་བཞག་པར་བྱ་དགའ་ལེན་མཁན་དང་དེ་ལ་དགའ་བསུ་དང་དགའ་གུས་བྱེད་མཁན་གྱི་ཟུར་ཞུགས་གྲྭ་ཚང་དང་སྡེ་མི་ཡོངས་ལ་སྙིང་ནས་གུས་འདུད་དང་བཀའ་དྲིན་ཆེ་ཞུ་རྒྱུ་ཡིན།

མདོ་འཛིན་པ། ཁཱ་ཤེས་རབ་རྒྱ་མཚོ།

མཛད་རིམ་དང་པོ། སྐུ་མགྲོན་ངོ་སྤྲོད།

མཛད་རིམ་གཉིས་པ།  ཤེས་རིག་ཡར་སྐུལ་གཟེངས་རྟགས་ཐོབ་མཁན་གྱི་སློབ་མའི་མཚན་ཐོ་སྒྲོག་འདོན་བྱ་རྒྱུ།

མཛད་རིམ་གསུམ་པ། གདན་ཞུས་སྐུ་མགྲོན་ཚོས་གསུང་བཤད་གནང་རྒྱུ།

མཛད་རིམ་བཞི་བ། བྱ་དགའ་འབུལ་རྒྱུ།

མཛད་རིམ་ལྔ་བ། བྱ་དགའ་ཐོབ་མཁན་དག་གི་འཐུས་ཚབ་པས་གསུང་བཤད་གནང་རྒྱུ།

མཛད་རིམ་དྲུག་པ། ཟུར་ཞུགས་འཐུས་ཚབ་པས་གསུང་བཤད་གནང་རྒྱུ།

མཛད་རིམ་བདུན་པ། མཇུག་བསྡུ་བ།

མཛད་རིམ་དང་པོ། སྐུ་མགྲོན་ངོ་སྤྲོད།

       ༢༠༢༠ལོའི་ལོ་སར་གྱི་ཚེས་གཅིག་ཉིན་ཁཱ་ཤཱི་དགོན་གྲོང་གཉིས་ཀྱིས་མཉམ་དུ་བསྒྲུབས་པའི་ཁཱ་ཤཱིའི“རེ་བའི་སྐར་ཚོམས་མི་རབས་གསར་པའི་དཔེ་བཟང་མི་སྣ”ལ་ཤེས་རིག་ཡར་སྐུལ་གཟེངས་རྟགས་འབུལ་བའི་མཛད་སྒོའི་བྱ་འགུལ་སྟེང་དུ་ཕེབས་པའི་མི་སྣ་དག་ནི།

ཁཱ་ཤཱི་དགོན་པའི་ཚོགས་ཀྱི་བླ་མ་ལས་ཐོག་པ་བློ་བཟང་དུས་ལྡན་རྒྱ་མཚོ་ལགས།

 ཁཱ་ཤཱི་དགོན་པའི་ལས་ཐོག་དགེ་བསྐོས་དགེ་འདུན་རྒྱ་མཚོ་ལགས།

ཁཱ་ཤཱི་དགོན་པའི་ལས་ཐོག་བྱིངས་འདྲེན་ཆེན་མོ་བློ་བཟང་ཚུལ་ཁྲིམས་ལགས།

ཁཱ་ཤཱི་དགོན་པའི་དགོན་བདག་གམ་སྐུ་བདག་ཁཱ་དགོན་སྔུན་གཉིས་ཀྱི་ཡ་གྱལ་ཁཱ་ཤཱི་སང་གི་འཇམ་དབྱངས་ལགས། ཁཱ་ཤཱི་སྡེ་དམངས་ཨུ་ཡོན་ལྷན་ཁང་གི་སྡེ་དཔོན་འཇམ་དཔལ།

ཁཱ་ཤཱིའི་ཚོང་རམས་པ་ཆོས་ལྡན་ཉི་མ་ལགས།

ཁཱ་ཤཱི་དགོན་པའི་གྲྭ་རིགས་ལྷོ་ཡོན་ཏན་རྒྱ་མཚོ་ལགས།

མཛད་རིམ་གཉིས་པ། ཤེས་རིག་ཡར་སྐུལ་གཟེངས་རྟགས་ཐོབ་མཁན་གྱི་སློབ་མའི་མཚན་ཐོ་སྒྲོག་འདོན་བྱ་རྒྱུ།

མཛད་རིམ་གསུམ་པ། གདན་ཞུས་སྐུ་མགྲོན་ཚོས་གསུང་བཤད་གནང་རྒྱུ།

མཛད་རིམ་བཞི་བ། བྱ་དགའ་འབུལ་རྒྱུ།

     གསུང་བཤད་གནང་མཁན་ལྷོ་ནུབ་མི་རིགས་སློབ་ཆེན་ནས་ཞིབ་འཇུག་མཐར་ཕྱིན་ཞིང་སི་ཁྲོན་རྔ་བ་ཁུལ་ཛམ་ཐང་རྫོང་བོད་ཡིག་སློབ་འབྲིང་དུ་དགེ་རྒན་གྱི་ཕྱག་ལས་གནང་བཞིན་པའི་ཁཱ་ཤཱིའི་གྲོང་སྨད་སང་གི་དཀོན་བྷེ་ཡིན།

 མཛད་རིམ་དྲུག་པ། ཟུར་ཞུགས་འཐུས་ཚབ་པས་གསུང་བཤད་གནང་རྒྱུ།

      གསུང་བཤད་གནང་མཁན་ཁཱ་ཤཱིའི་སྐབས་དང་པོའི་མི་རིགས་སློབ་གསོའི་གླེང་སྟེགས་སྒྲུབ་མཁན་གྲྭ་རིགས་ལྷོ་ཡོན་ཏན་རྒྱ་མཚོ་ཡིན། ཁོང་གིས་རང་སྡེ་བའི་དངོས་གཞིའི་སློབ་ཆེན་འདི་དག་ལ་སྤྲོ་སེམས་འཁོར་བའི་ངང་ནས་རྟེན་འབྲེལ་ཞུས་པར་མ་ཟད་མ་འོངས་པའི་ལམ་ཁར་འོད་སྟོང་འཕྲོ་བའི་ཤེས་རིག་ཡར་སྐུལ་ལ་གསུང་བཤད་ཇ་ནོམ་པ་གནང་།

 མཛད་རིམ་བདུན་པ། མཇུག་བསྡུ་བ་དང་མཉམ་པར་སྒྲོན་པ།

      བོད་རྒྱལ་ལོ་ ༢༡༤༧ རབ་གནས་ལྕགས་བྱི་ལོའི་གནམ་ལོ་གསར་ཚེས་ཀྱི་ཉིན་བཟང་སྐལ་བཟང་དང་སྤྱི་ལོ་༢༠༢༠ལོའི་ལོ་སར་གྱི་ཚེས་གཅིག་ཉིན་ཁཱ་ཤཱི་དགོན་དམངས་གཙོའི་དོ་དམ་ཨུ་ཡོན་ལྷན་ཁང་དང་ཁཱ་ཤཱིའི་སྡེ་དམངས་ཨུ་ཡོན་ལྷན་ཁང་གཉིས་ཀྱིས་མཉམ་དུ་བསྒྲུབས་པའི་ཁཱ་ཤཱིའི“རེ་བའི་སྐར་ཚོམས་མི་རབས་གསར་པའི་དཔེ་བཟང་མི་སྣ”ལ་ཤེས་རིག་ཡར་སྐུལ་གཟེངས་རྟགས་འབུལ་བའི་མཛད་སྒོའི་བྱ་འགུལ་རྒྱལ་ཁ་དང་གཟི་བརྗིད་ངང་མཇུག་བསྡུས་པ་ཡིན་པས་ཚང་མ་བཀྲ་ཤིས་བདེ་ལེགས་ཞུ།