སྤྱི་ལོ་༢༠༡༤ལོའི་སྤྱི་ཟླ་༥་པའི་ཚེས་༢༡ཉིན་སི་ཁྲོན་ཞིང་ཆེན་རྔ་བ་ཁུལ་སྐར་མདའ་རྫོང་འཛམ་ཐང་དགོན་དུ་སྐབས་བཅུ་བའི་ཇོ་ནང་ཆོས་བརྒྱུད་ཀྱི་བསྟན་འགྲོ་ཀུན་ཕན་ལྷན་ཚོགས་བགྲོ་གླེང་ཚོགས་འདུ་གཟབ་རྒྱས་ངང་འཚོགས། ཚོགས་ཐོག་ཏུ་ཇོ་ནང་ཆོས་བརྒྱུད་ཀྱི་དགོན་སྡེ་ཆེ་མ་ཆུང་གསུམ་གྱི་བླ་མ་སྤྲུལ་སྐུ་དང་མཁས་མང་སྐྱེས་ཆེན་གདན་འཛོམས་ཏེ་ཇོ་ནང་ཆོས་བརྒྱུད་ཀྱི་གྲུབ་མཐའ་དག་གཙང་ཡོང་ཕྱིར་དགོན་སྡེའི་སློབ་གསོའི་སྤུས་ཚད་མཐོར་འདེགས་ཡོང་བར་ཕྱོགས་ཐམས་ཅད་ནས་ཧུར་བརྩོན་དགོས་པར་མ་ཟད་སྙིགས་མའི་དུས་འདིར་བསྟན་ལ་འཚེ་བ་དང་ལོག་ལྟ་ཅན་སོགས་ཚ་ཚ་འུར་འུར་དུ་འགྲོ་བཞིན་པར་དགོན་སྡེ་དང་གྲུབ་མཐའ་རང་ངོས་ནས་བསྟན་དོན་ཚགས་སུ་ཚུད་པ་ཡོང་དགོས་པའི་བཀའ་སློབ་གཅིག་རྗེས་གཉིས་མཐུད་དུ་གསུང་གླེང་མཛད་འདུག

ཚོགས་ཐོག་ཏུ་༧མཆོག་སྤྲུལ་འཇིགས་མེད་རྡོ་རྗེ་དང་སྤྲུལ་འཇམ་དབྱངས་བློ་གྲོས་བསེ་སྤྲུལ་སྐུ་སོགས་ཀྱིས་བཀའ་སློབ་གནང་བཞིན་པ།

ཇོ་ནང་ཆོས་བརྒྱུད་ཀྱི་དགོན་སྡེ་རྣམས་ཀྱི་ལས་སྣེ་སོགས་ཚོགས་ཞུགས་མཛད་པའི་ཟུར་དངོས་ཤིག