འཕྲིན་བཟང་།
མཛེས་ལྡན་གངས་རིའི་ར་བས་བསྐོར་བའི་སཱ་ལའི་སྨན་ལྗོངས། དྭངས་གསལ་ཡན་ལག་བརྒྱས་ལྡན་གྱི་ཆུ་བོ་ལྷུང་ལྷུང་དུ་འབབ་པའི་འབྱུང་ཁུངས། ས་ལ་དགེ་བཅུ་འཛོམས་པའི་གཡང་གི་ར་བར་གནས་པའི་ཕ་སྤྲེའུ་བྱང་ཆུབ་སེམས་དཔའ་དང་མ་བྲག་སྲིན་མོ་གཉིས་ཀྱི་རིགས་རྒྱུད་གཅིག་ལས་ཆད་པའི་ཁ་བ་གངས་ཅན་པ་ཚང་གི་བོད་རིགས་སྤུན་ཟླ་ཡོངས་ལ་ཞུ་གསོལ། བདེ་ཐང་ལམ་སྟོན་ཞེས་པའི་འོད་སྡེར་འདི་གཙོ་སྒྲུབ་པ་སྤྲེལ་རྫོང་འཇམ་དཔལ་མཁྱེན་རབ་བམ་ཞག་སྒྲོན་དང་སྤྲེལ་རྫོང་བློ་བཟང་བསྟན་དར་རམ་ས་སྨྱུག བླ་བྲང་རིན་ཆེན་རྡོ་རྗེ། ལྷ་ལུང་དཔལ་སྡེའི་རྟ་མགྲིན་རྡོ་རྗེ་སོགས་ཀྱི་ལོ་གཅིག་རིང་ལ་བོད་ཆོལ་ཁ་གསུམ་གྱི་བླ་མ་དགེ་བཤེས་ལྷ་རྗེ་བ་སོགས་སྤྱི་ཚོགས་སྟེང་གི་མི་སྣ་གྲགས་ཅན་ཉི་ཤུ་ལྷག་གི་སྐུ་མདུན་ལ་དངོས་སུ་བཅར་ཏེ་ད་སྐབས་ཀྱི་ཡིད་སྐྱོ་བའི་ནད་ཡམས་སྣ་ཚོགས་དང་འགོས་ནད་ཚབས་ཆེན་སོགས་ཀྱི་སྐོར་ནས་སྙན་ཞུ་ཕུལ་བས། ཁོང་རྣམ་པས་ནད་ཡམས་སྔོན་འགོག་བྱེད་སྟངས་དང་འགོས་ནད་གསོ་བཅོས་བྱེད་ཐབས་སོགས་ཀྱི་སྒོ་ནས་ཞལ་གསུང་གསེར་གྱི་ཐིགས་པ་ལྟ་བུ་གནང་བ་རྣམས་དཀྱུས་གཅིག་ཏུ་འོད་སྡེར་དུ་ཕབ་ནས་བོད་ཆོལ་ཁ་གསུམ་ལ་རིན་མེད་གཟིགས་འབུལ་བྱ་རྒྱུ་ཡིན།
འོད་སྡེར་འདིའི་ནང་ལ་བཀའ་སློབ་གནང་མཁན་གཤམ་གསལ། ༼ ༡ ༽ སྐྱབས་རྗེ་བྲག་དཀར་རིན་པོ་ཆེ་བློ་བཟང་ཆོས་ཀྱི་ཉི་མ་ཚང་། ༼ ༢ ༽མཁས་དབང་དམ་པ་དོར་ཞི་གདོང་དྲུག་སྙེམས་པའི་བློ་ལྡན་ཚང་། ༼ ༣ ༽ཤར་སྐྱབས་མགོན་སྐུ་ཕྲེང་བརྒྱད་པ་བསྟན་འཛིན་འཇིགས་མེད་སྐལ་ལྡན་ཚང་།༼ ༤ ༽སྐྱབས་རྗེ་ཨ་རོལ་སྐུ་ཕྲེང་བཞི་བ་བསྟན་འཛིན་དགེ་ལེགས་དབང་བོ་ཚང་།༼ ༥ ༽བོད་ཀྱི་སློབ་གསོ་བ་ཆེན་མོ་རྭ་རྒྱ་འཇིགས་མེད་རྒྱལ་མཚན་ཚང་།༼ ༦ ༽གངས་ལྗོངས་སྨྲ་བའི་དབང་ཕྱུག་མཁན་ཆེན་ཚུལ་ཁྲིམས་བློ་གྲོས་ཚང་། ༼ ༧ ༽ རྫ་སེར་ཤུལ་ཁྲི་བ་རིན་པོ་ཆེ་ཐུབ་བསྟན་སྙན་གྲགས་ཚང་།༼ ༨ ༽མི་རིགས་སློབ་གསོ་ལ་ལྷག་བསམ་དཀར་བའི་སྤྲུལ་སྐུ་ཚུལ་ཁྲིམས་རྒྱ་མཚོ་ཚང་།༼ ༩ ༽ཁ་སོ་སྐུ་ཕྲེང་བདུན་པ་བློ་བཟང་འཇིགས་མེད་འཕྲིན་ལས་ཚང་།༼ ༡༠ ༽དྲི་མེད་འོད་གསལ་འམ་མོན་སྤྲུལ་ཚང་།༼ ༡༡ ༽གངས་ལྗོངས་ཤེས་རིག་ནོར་བུའི་སློབ་གླིང་གི་སློབ་དཔོན་ཆེན་མོ་ལྡོང་ཡོན་ཏན་རྒྱ་མཚོ་ཚང་། ༼ ༡༢ ༽དེང་རབས་བོད་ཀྱི་སྐད་གསུམ་ལོ་ཙཱ་བ་མཆོག་སྤྲུལ་ཧཱུཾ་ཀར་རྡོ་རྗེ་ཚང་། ༼ ༡༣ ༽སེར་བྱེས་ལྷ་རམས་པ་རྒན་འཇམ་དཔལ་བློ་ཤེས་ཚང་།༼ ༡༤ ༽མདོ་སྨད་བྲག་དཀར་སྤྲེལ་རྫོང་དགོན་ཆེན་གྱི་ལྷ་རམས་པ་ཚུལ་ཁྲིམས་ཉི་མ་ཚང་།༼ ༡༥ ༽སྒང་བ་རྒྱ་ནག་མཁན་པོ་བསམ་གཏན་བསྟན་པའི་རྒྱལ་མཚན་ཚང་། ༼ ༡༦ ༽རེབ་ཚྭ་ལྷ་རམས་པ་འཇམ་དབྱངས་རྒྱ་མཚོ་ཚང་།༼ ༡༧ ༽རྫ་འབྲུག་གྲགས་རིན་པོ་ཆེ་སྤྲུལ་ལུང་རྟོགས་བསྟན་པའི་ཉི་མ་ཚང་། ༼ ༡༨ ༽སྐད་གཉིས་སྨྲ་བའི་ལོ་ཙཱ་བ་མཁན་པོ་ཚེ་རིང་ནོར་བུ་ཚང་།༼ ༡༩ ༽མཁན་པོ་དཀོན་མཆོག་འཕྲིན་ལས་ཚང་།༼ ༢༠ ༽མགོ་ལོག་རྟ་བྲག་དྭ་ཕྲུག་སློབ་གྲྭའི་སློབ་གཙོ་གཞོན་པ་ས་སྒང་འཇམ་དབྱངས་མཁྱེན་རབ་ཚང་།༼ ༢༡ ༽རྒྱལ་སྤྱིའི་གསོ་རིག་འབུམ་རམས་པ་འཇིགས་མེད་ཕུན་ཚོགས་ཚང་། ༼ ༢༢ ༽མཚོ་སྔོན་མི་རིགས་སྙིང་རྗེ་རོགས་སྐྱོར་ཚོགས་པའི་ཚོགས་གཙོ་རྡོ་ཚེ་བརྟན། ༼ ༢༣ ༽ཨེ་ཛིའི་བླ་མ་ཆོས་དཔལ་བཟང་བོ་བཅས་ཡིན།
གཙོ་སྒྲུབ་པ་སྤྲེལ་རྫོང་འཇམ་དཔལ་མཁྱེན་རབ་བམ་ཞག་སྒྲོན།
15897258333
གཙོ་སྒྲུབ་པ་སྤྲེལ་རྫོང་བློ་བཟང་བསྟན་དར་རམ་ས་སྨྱུག
15109748480
ཞག་སྒྲོན་གཞན་ཕན་ལས་སྒྲུབ་པར་མཛོད་ཁང་གིས་སྤེལ།
