༄༅།།བོད་ལྕེའི་གྱེར་འདོན་བརྩམས་ཆོས་ཆེད་བསྒྲིགས་ཚོང་རར་འགྲེམ་ལ་ཉེ་བ།
___དང་པོ་འདྲ་མ་འདི་ལ་གསོན།
འདིར་གུས་པོ་རང་གིས་རྩོམ་འབྲི་དང་གྱེར་འདོན་བྱས་ཤིང་ལྷག་བསམ་རྣམ་པར་དཀར་བའི་གྲོགས་པོ་འགའ་རེའི་རོགས་རམ་དང་རྒྱབ་སྐྱོར་འོག་ཕབ་བསྐྲུན་བྱས་པའི་སྙན་ངག་
གྱེར་འདོན་གྱི་ཆེད་བསྒྲིགས་ཟེར་སྡེར་《འཕུར་སྐྱོད་ཀྱི་རྨི་ལམ་》ཞེས་པ་འདི་མི་འགྱང་བར་ཚོང་རར་འགྲེམ་ལ་ཉེ་ཞིང་། འདིའི་ནང་དུ་རང་ཉིད་གྲྭ་པ་ཞིག་ཡིན་པ་དང་།
ཐོན་རྫས་འདི་ཡང་མང་ཚོགས་སུ་དགྲམ་རྒྱུ་ཞིག་ཡིན་ངོས་ནས་སྒྱུ་རྩལ་རྐྱང་གཉེར་དང་།
ཚིག་འཕྲུལ་གཙོར་འདོན་བྱེད་རྐྱང་མ་བྱས་པར་མིའི་རིགས་སྤྱི་སྒེར་གྱི་འཚོ་གནས་གནད་དོན་དང་འབྲེལ་བ་ཡོད་པའི་འཆར་སྒོ་འགའ་གོ་སླ་ཞིང་གཅོད་བདེ་བའི་རྩོམ་ཚན་དུ་བཅོས་ཏེ་གྱེར་འདོན་བྱས་ཡོད།
(ཟེར་སྡེར་གྱི་མདུན་ཤོག་པར་ངོས།)
(ཟེར་སྡེར་གྱི་རྒྱབ་ཤོག)
སྐབས་འདིར་བདག་གི་མགྲིན་ལམ་ན་ད་དུང་བཤད་འདོད་པའི་སྐད་ཆ་ཞིག་ལྷག་ཡོད་པ་ནི། ཟེར་སྡེར་འདི་ནི་བོད་ལ་མཚོན་ན་ཆོལ་ཁ་གསུམ་གའི་སྐད་ཀྱིས་གྱེར་འདོན་བྱས་པ་ཐེངས་དང་པོ་དང་། གྱེར་འདོན་གྱི་རྒྱབ་བརྙན་ཆེད་དུ་ཕབ་བསྐྲུན་བྱས་པ་དང་འགྲོ་གྲོན་དང་དཀའ་ཚེགས་མང་ཙམ་བརྒྱབ་པའི་མི་སྒེར་གྱེར་འདོན་བརྩམས་ཆོས་ཐོག་མ་དེར་གྱུར་ཡོད་
ནའང་། བྱེད་པོ་རང་ཉིད་མ་གཞིར་སྒྱུ་རྩལ་རྩོམ་རིག་གི་གོ་རྟོགས་དང་བྱང་ཚད་ཞན་པ་དང་། འུ་ཅག་བོད་ལ་གྱེར་འདོན་སྙན་ངག་སོགས་གྱེར་འདོན་རིག་གནས་ཀྱི་མ་ལག་ཆ་ཚང་བ་
ཞིག་ད་དུང་གྲུབ་མེད་པ་དང་།
གུས་པ་མི་རིགས་གཞན་པའི་རིག་གནས་ལ་རྒྱུས་ལོན་བྱས་ཚད་དམའ་དྲག་པ་བཅས་ཀྱི་རྐྱེན་ལས། འདིའི་རྩོམ་འབྲི་དང་བརྙན་ཕབ། སྒྲིག་སྦྱོར་སོགས་ཀྱི་རྒྱུད་རིམ་ཀུན་ཏུ་ཁ་ཕྱོགས་མི་རྙེད་པ་དང་གཞི་འཛིན་ས་མ་རག་པའི་དཀའ་ངལ་སྣོན་མར་བྱུང་བ་མ་ཟད།
སྒྲིག་སྦྱོར་སོགས་གང་འཚམ་གྲུབ་ཟིན་པའི་སྐབས་འདིར་ཡང་བདག་གི་སེམས་ཁོང་ནི་ཡང་སྙིང་སྙན་ངག་གྱེར་འདོན་ཞེས་པ་འདི་ལྟར་ཕབ་བསྐྲུན་བྱེད་པར་འོས་སམ་དང་བརྙན་ལམ་ནས་སྙན་ངག་གི་རོ་བྲོ་ཇི་ལྟར་མཚོན་དགོས་སམ་སོགས་ཀྱི་འདྲི་ཚིག་དང་སོམ་ཉིས་ཁེངས་ཡོད་པས་ཁྱེད་རྒྱ་ཆེའི་གསན་གཟིགས་མཁན་དག་གིས་བསམ་གཞིག་དང་དགོངས་འཆར་ལྷུག་སྩོལ་གནང་བ་བརྒྱུད། ཕ་ཡུལ་གངས་རིའི་ལྗོངས་འདིར་རང་སྐྱ་ཐུབ་པའི་གྱེར་
འདོན་རིག་གནས་ཀྱི་མ་ལག་ཅིག་འཛུགས་སྐྲུན་གྱིས་ཕྱོགས་ཟུར་དང་རྣམ་པ་མི་འདྲ་བའི་ཐོག་ནས་བོད་ཀྱི་སྐད་ཡིག་དང་རིག་གནས་ལ་གསོན་ཤུགས་གསར་པ་སྣོན་ཐུབ་པའི་རེ་སྨོན་ཡང་ཡང་ཞུ་བ་ལགས།
2015/12/5 གུས་བོད་ལྕེས་རྒྱ་ནག་སྤོས་ལྡན་ནས་མྱུར་སྟབས་ཀྱིས་ཕུལ།
____________________
པར་སྐྲུན། བོད་ལྕེ།
སྤྱིའི་འཆར་འགོད་པ། བོད་ལྕེ།
རྩོམ་པ་པོ། བོད་ལྕེ།
འཁྲབ་གཞུང་།
བོད་ལྕེ།
འཁྲབ་སྟོན་པ། ཕུར་བ།
འཁྲབ་ཁྲིད་དང་
བརྙན་ལེན་པ། ཆུ་མེ་དགེ་མཚན།
འཇམ་དབྱངས་ཚེ་རིང་། བཀྲ་ཤིས་ཚེ་བརྟན། བརྙན་ལེན་ལག་རོགས། གངས་ཕྲུག་འཁྱམ་པོ།
རླངས་འཁོར་ཁ་ལོ་བ། ཡང་ལེ། ཐུབ་བསྟན་དཀོན་མཆོག
བརྙན་སྒྲིག་སྦྱོར། ཝན་ཙི། པར་ལེན། ཆུ་མེ་དགེ་མཚན།
སྒྲ་ལེན་སྦྱོར། རོའོ་ལེ། བསེ་ཨ་མའི་བུ།
སྡེབ་འཚོང་དང་སིལ་འཚོང་གི་འབྲེལ་གཏུག་བྱེད་ས།
182-9706-3020ཡང་ན་18942831367