དུར་ཁྲོད།
བྷོ་ཀྲིལ།
གལ་ཏེ
སྐྱོ་གདུང་གིས་མནར་བའི་མཚན་སྨད་ཅིག་ལ
སྙིང་རྗེ་བའི་ཡེ་ཤུའི་ཆོས་པ་ཞིག
བྱམས་བརྩེའི་ངང་ཁྱེད་ཀྱི་ཉེ་སར་བཅར་ཏེ
མི་ཚོགས་ཀྱིས་བསྔགས་བརྗོད་བླ་མེད་ཕུལ་མྱོང་བའི་ཁྱེད་ཀྱི་བེམ་པོ
གྱོང་རོ་གང་གི་རྒྱབ་ཏུ་སྦས
སྐབས་དེར
དུག་སྤྲུལ་གྱིས་ཡུལ་དེར་ཚང་བཅས
སྡོམ་ནག་གིས་ས་དེར་གནས་བཟུང
དྭངས་གཙང་ངང་འཚེར་བའི་སྐར་ཚོགས་ཀྱིས་ཀྱང
གཉིད་འཐིམ་པའི་མིག་ཟུང་རྗིད་ཏིག་གེར་མར་ལ་སྒྲིབ
ས་ཆེན་གྱིས་ཁྱོད་ཀྱི་མགོ་བོ་དམ་དུ་བཏགས་པ་ནས་བཟུང
ཁྱོད་ཀྱིས་ནམ་རྒྱུན་སྤྱང་ཚོགས་དང་འདྲེ་མོ་དེ་དག་གི་ངུ་སྐད་ཐོས་སྲིད་ཅིང
འདྲེ་རྒན་རྒས་འཁོགས་དེ་དག་གི་ཆགས་གཏམ་དང
རྐུན་མ་བསམ་ནག་དེ་དག་གིས་འཆར་གཞི་འཐེན་པ་ཡང་ཚོར་ཐུབ
མི་རྟག་པ་ཞིག་གི་གསོལ་འདེབ།
བྷོ་ཀྲིལ།
ཀྱེ་ཀྱེ
དྲག་ཏུ་འབར་བའི་མེ་དཔུང་དེ་ཁྱེད་ཀྱིས་གཉོམ་པར་མ་གཞོམ་དང
མེ་ལྕེ་དེས་བདག་གི་སྤྲིད་འཐོམ་གྱི་སྙིང་ཤ་ལ་དྲོད་ཁོལ་སྦྱིན་པར་ཞུ
དགའ་སྤྲོ་བསྐྱེད་དང
སེམས་གཅོང་གིས་མནར་བའི་རྣམ་གཤིས་ཨང
ལྷ་མོ་ལགས
ཏོག་ཙམ་བདག་ལ་གསན་རོགས་མཛོད
ང་ཚོའི་སེམས་སུ་ལྐོག་གྱུར་ངང་འབར་བའི་མེ་ལྕེ་སྟེ
ཉམ་ཐག་གི་རྣམ་ཤེས་དེའི་འདོད་པ་སྐོངས་ཤིག
ལྷ་མོ་ལགས
ཁོས་ཁྱེད་ལ་འགྱུར་མེད་ཀྱི་བསྟོད་ཚིག་གསོལ་གྱིན་འདུག་ཨང
ཁྱེད་རང་བདག་གི་གཏན་གྱི་འདུན་མར་གྱུར་བར་ཤོག
ཤ་དང་བྱ་སྒྲོ་ཡིས་བཟོས་བའི་གདོང་འབག་དེ་གསོལ་དང
ཡང་ན
གཟུགས་མེད་ཀྱི་ཆང་ཕོར་དེའི་ནང་ནས
ང་རང་བཟི་བར་བྱོས་ཤིག
དགའ་སྤྲོ
སྣང་བས་མི་ཟིན་པའི་འཕྲུལ་གཟུགས།
|