|
མགར་སྟོང་བཙན་ཐབ་ཚང་།
སྣེ་ལེན་པ། བཀྲེན་པོ།
༡ རྒྱ་ཆེ་བའི་བདག་གི་ཡུལ་གྲོགས་དང་སྤུན་ཟླ་ལྷན་རྒྱས་སྐུ་ཁམས་བཟང་། ཉེ་ཆར་བདག་གིས་གསར་དུ་བཟོ་བཞིན་པའི་ཇ་ཁང༿མགར་སྟོང་བཙན༾ལེགས་པར་གྲུབ་ཟིན་པས། བདག་ལ་བློ་དཀར་གཞུང་དྲང་ཞིང་། དུས་དང་རྣམ་པ་ཀུན་ཏུ་རྒྱབ་སྐྱོར་བླ་མེད་མཛད་མཁན་གྱི་སྤུན་ཟླ་རྣམ་པར། རང་ཡུལ་དུ་ད་སྔོན་མེད་པའི་བདག་གི་རྣམ་པ་གསར་པ་ཅན་གྱི་ཐབ་ཚང་འདིས་ཡིད་དབང་གསོས་ཤིང་། ལྷིང་འཇགས་ཁུ་སིམ་གྱི་ཚོར་སྣང་བསྩལ་ཐུབ་པར་ཡིད་ཆེས་དང་རེ་འདུན་སྐོང་བའི་སྨོན་འདུན་ཞུ་བཞིན་ཡོད།
༢ ལྷིང་འཇགས་ངང་འདུག་འདོད་མཁན་ཚོར། ཆེད་དུ་ན་གཞོན་གྲྭ་གྲོང་ཕོ་མོ་སུ་ཡིན་ཡང་། ངེད་མགར་སྟོང་བཙན་ཐབ་ཚང་འདིས། ཁྱེད་ལ་ཁུ་སིམ་དང་བག་ལྷོད་ཀྱི་སྣང་བ་རེ་བསྩལ་ཐུབ་པར་ཡིད་ཆེས་ཡོད།
༣ གཞན་དུ། ངེད་ཀྱི༿མགར་སྟོང་བཙན༾འདིར་སྐུ་ཉིད་ཀྱིས་གཙུག་ལག་རིག་གནས་གང་གི་སྐོར་གྱི་དཔེ་ཆར་གཟིགས་རྟོག་འདོད་ན། སྐུ་ཉིད་ཀྱི་འདོད་པ་ལྟར༿ཚོང་ལས༾དང༿ཁྱིམ་ཚང་སློབ་གསོ༾༿སློབ་སྦྱོང་ཡར་སྐུལ༾༿རྩོམ་རིག༾༿ཆོས་ལུགས༾༿རིག་གནས།༾༿ལོ་རྒྱུས༾༿ཚན་རིག༾སོགས་ཀྱི་སྐོར་ནས་དཔེ་ཆ་གསར་རྙིང་དུ་མར་གང་འདོད་ཀྱིས་ལྟ་ཀློག་ཐུབ་པས། ཁོ་ཧྥེ་འཐུང་ཞོར་ཉིད་ཀྱིས་མ་ཤེས་ཐབས་མེད་ཀྱི་ཤེས་བྱ་མང་པོའི་རྒྱུན་ཤེས་སྐོར་ལ་ཏོག་ཙམ་སློབ་སྦྱོང་ཡང་ཐུབ་པར་ངེས།
༤ ཞོར་དུ། ངེད་ཀྱི༿མགར་སྟོང་བཙན༾ཐབ་ཚང་དང་འབྲེལ་བའི༿རིག་གནས་ལས་སྒྲུབ་སྐོར་གྱི་ལས་ཀ་ཞིག་ཀྱང་སྒྲུབ་བཞིན་ཡོད། དཔེར་ན། ༿དཔེ་ཆ༾དང་༿ཚགས་ཤོག༾༿སྒྲིག་འགོད༾དང་༿ཡིག་གཏགས་ཀྱི་སྐོར། ༾༿འདོན་ཆོག༾དང༿གཉེན་སྟོན་ཤོག་བྱང༾སོགས་བསྐྱར་དཔར༾དང་སྒྲིག་འགོད་བྱེད་བཞིན་ཡོད། དེ་མིན་ན་གཞོན་ཚོར་ཆེད་དུ་དམིགས་པའི་བགྲོ་གླེང་དང་ཚོགས་འདུ་སྤེལ་ས། སྐྱེས་སྐར་གསོལ་སྟོན་འཚོགས་ས་སོགས་ཀྱི་ཞབས་ཕྱི་ཡང་སྒྲུབ་བཞིན་ཡོད་པས། སྐུ་ཉིད་འདིར་ཕེབས་དང་ངེད་ཀྱིས་གུས་ཞབས་ལེགས་པོས་མདུན་བསུས་ཏེ། ཁྱེད་ཀྱི་ཐང་ཆད་ཉོབ་ལ་ལྷུང་བའི་སེམས་པ་ལ་ངལ་གསོ་ལེགས་པོ་སྐྲུན་ཆོག
མཐར་བདག་གི་ཡུལ་མི་སྤུན་ཟླ་རྣམ་པས་ཐུགས་ཁུར་དང་རྒྱབ་སྐྱོར་འོག༿མགར་སྟོང་བཙན༾ཞེས་པའི་ཇ་ཁང་སྒོ་འབྱེད་ཐུབ་པར་ཞལ་དྲོ་བཀྲ་ཤིས་ཞུ་རྒྱུ་དང་བཙན་པོའི་མགར་གྱི་དྲྭ་རྒྱའི་གཙོ་གཉེར་པ་ཁཱ་ཤེས་རབ་རྒྱ་མཚོ་ལགས་ལ་ཆེད་དུ་བཀའ་དྲིན་ཞུ།
ཞེས་ཁྱེད་ཀྱི་སྤུན་ཟླ་བཀྲེན་པོ་རུ་འབོད་པ་དེས་ཕ་ཡུལ་ན་མདའ་ནས་ཕུལ།
ས་གནས། རྔ་བ་ཁུལ་འཛམ་ཐང་རྫོང་ན་མདའ་གྲོང་རྡལ།
15351434964
༢༠༡༧. ༡. ༡༧ མཛད་སྒོར་བྲིས།
| 
