སྟོན་པ་སངས་རྒྱས་བཅོམ་ལྡན་འདས་ཀྱི་མཛད་པ་བཅུ་གཉིས་ལས་བརྩམས་པའི་བསྟོད་ཚིག་རིག་བྱེད་དབྱངས་ཀྱི་མཆོད་པ།
  ༄༅། །བཙན་པོའི་མགར་གྱི་དྲ་བས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2021 ལོའི་ཟླ 9 ཚེས 28 རེས་གཟའ་མིག་དམར་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། ནང་འཇུག འདི་ནས་ང་དང་གླེང་མོལ་བྱ།
གཙོ་ངོས།
ཆོས་ལུགས།
རྩོམ་རིག
ལོ་རྒྱུས།
རུས་རྒྱུད།
དམངས་སྲོལ།
སྒྱུ་རྩལ།
དཔལ་འབྱོར།
མི་སྣ།
སློབ་གསོ།
ཕྱོགས་སྟོན་་་་ གཙོ་ངོས།» རྩོམ་རིག» སྙན་རྩོམ། »སྟོན་པ་སངས་རྒྱས་བཅོམ་ལྡན་འདས་ཀྱི་མཛད་པ་བཅུ་གཉིས་ལས་བརྩམས་པའི
སྟོན་པ་སངས་རྒྱས་བཅོམ་ལྡན་འདས་ཀྱི་མཛད་པ་བཅུ་གཉིས་ལས་བརྩམས་པའི་བསྟོད་ཚིག་རིག་བྱེད་དབྱངས་ཀྱི་མཆོད་པ།
རྩོམ་སྒྲིག་པ།  མགར་ཚེ་རིང་བཀྲ་ཤིས། སྤེལ་དུས། 2021/6/1ལྟ་ཀློག (4941)རྩོམ་ཁུངས: ངེད་དྲ་བ།པར་འདེབ།


སྟོན་པ་སངས་རྒྱས་བཅོམ་ལྡན་འདས་ཀྱི་མཛད་པ་བཅུ་གཉིས་ལས་བརྩམས་པའི་

བསྟོད་ཚིག་རིག་བྱེད་དབྱངས་ཀྱི་མཆོད་པ།


སྟོན་མཆོག་ཐམས་ཅད་མཁྱེན་པ་ལ་ཕྱགའཚལ་ལོ།།


སྐུ་བརྗིད་ཆགས་མཛེས་སྡུག་གཟི་འོད་ལམ་ལམ།།

གསུང་སྙན་འཇེབས་གླིང་བུའི་གདངས་དབྱངས་སིལ་སིལ།།

ཐུགས་གཡོ་མེད་ཤེས་བྱའི་རི་མོ་གསལ་གསལ།།

བྱམས་སྙིང་རྗེའི་འོད་མདངས་ཟེར་བརྒྱ་ཁྲིག་ཁྲིག།

མ་འགྲོ་བའི་མགོན་དུ་བྱོན་པ་ལེགས་ལེགས།།

གནས་དགའ་ལྡན་ཡུལ་གྱི་ལྷ་བུ་གཞོན་ནུ།།

ལྗོངས་མཛེས་པའི་དཔལ་གྱི་མདངས་ལ་མ་ཆགས།།

ལྷ་གྲངས་མེད་ཆོས་ཀྱི་བདུད་རྩིས་ཚིམས་རྗེས།།

གསེར་སེར་པོའི་དབུ་བརྒྱན་བྱམས་པར་ཕུལ་ཏེ།།

ལྷོ་འཛམ་གླིང་འཛིན་མའི་མགོན་དུ་ཕེབས་པ།།

དབྱར་འབྲིང་པོའི་ཉ་ལ་རྨི་ལྟས་དང་བཅས།།

མཐོ་སྤྲིན་དཀར་བང་རིམ་བརྩེགས་མའི་དབུས་ནས།།

ལུས་གཞོན་ཚུལ་ཆགས་པའི་གླང་ཆེན་ཐལ་དཀར།།

ཡུམ་སྒྱུ་འཕྲུལ་ལྷ་མོའི་ལྷུམས་སུ་ཞུགས་པས།།

ཡབ་རྒྱལ་པོའི་ཡིད་སེམས་སྤྲོ་དགའི་ཁེངས་སོང་།།

གནས་སུམ་རྩེན་ཡུལ་ལ་སྐྱེངས་བ་སྟེར་བའི།།

ཡུལ་ལུམ་བིའི་ལྗོན་ཤིང་གྲིབ་བསིལ་འོག་ནས།།

སྐུ་མཛེས་སྡུག་མེ་ཏོག་འདབ་བརྒྱ་བཞད་པ།།

ལྷོ་འཛམ་གླིང་སྐྱེ་འགྲོའི་བསོད་ནམས་ཡིན་ཞེས།།

ལྷ་ཉོན་མོང་མེད་པའི་བདེན་ཚིག་བསྒྲགས་སོང་།།

ལུས་ལང་ཚོ་གཞོན་པའི་རྒྱལ་བུ་དོན་གྲུབ།།

མགོན་སློབ་དཔོན་ལ་བཏུད་ཡིག་རིགས་སྣ་ཚོགས།།

བཟོ་རྩིས་དང་སྒྱུ་རྩལ་དྲུག་ཅུ་རྩ་བཞིར།།

དབང་འབྱོར་བའི་འགྲན་བཟོད་ཟླ་དང་བྲལ་བ།།

གནས་སེར་སྐྱའི་ཡུལ་གྱི་གཟི་བརྗིད་ལོས་ཡིན།།

དཔལ་ཕུན་ཚོགས་སྡེ་བཞིའི་གུར་ཁང་དབུས་སུ།།

ལས་བསོད་ནམས་བདེ་སྐྱིད་ཉི་གཞོན་འཛུམ་པའི།།

གནས་སུམ་རྩེན་ཡུལ་གྱི་བུ་མོའི་མདངས་འཕྲོག།

སྨན་བུ་མོའི་དྭངས་རྩེ་གྲགས་འཛིན་ལྷ་མོ།།

ཐོབ་མངའ་ཐང་དབྱར་གྱི་སྨན་སྣ་ཀུན་འཛོམས།།  

སྐྱིད་མི་རྟག་ཆར་རྗེས་འཇའ་ཚོན་རི་མོ།།

འབྲལ་མི་སྲིད་སྐྱེ་རྒ་ན་འཆིའི་སྡུག་བསྔལ།།

གནས་འཁོར་བར་ངེས་འབྱུང་རླུང་བུས་བསྒུལ་ཏེ།།

ཡུལ་རྣམ་དག་གྲོང་ནས་རབ་ཏུ་བྱུང་དུས།།

གོས་ངུར་སྨྲིག་ན་བཟའི་དྲོད་ཁོལ་གང་འདྲ།།

ཟས་ཆུ་རྐྱང་འཚོ་བས་ཡིད་སེམས་གསོ་བཞིན།།

ངག་སྨྲ་བ་བཅད་དེ་ཏིང་འཛིན་བསྒོམ་དུས།།

ལོ་དྲུག་གི་དཀའ་སྤྱད་ཁུར་བོའི་འོག་ཏུ།།

ལུས་རུད་པའི་དགེ་སྦྱོང་སྙིང་སྟོབས་ཅན་པོ།།

བདུད་བཙན་པོའི་རིག་ན་སེམས་རྩ་གཉོམ་ངེས།།

ཡུལ་མ་ག་དྷ་ཡི་སྐྱེད་མོས་ཚལ་ནས།།

གྲོགས་ཞིང་པའི་བུ་མོས་འོ་ཐུག་གསོལ་བཞིན།།

དོན་གནས་ལུགས་བརྙན་རིས་རི་མོ་གསལ་དུས།།

སྐུ་གསེར་མདོག་འོད་དཀར་མཛེས་སྡུག་ལམ་ལམ།།

གདན་གྲུ་བཞིའི་དབུས་ཀྱི་དངུལ་དཀར་མེ་ཏོག།

སེམས་སྲ་བརྟན་དམ་བཅའི་གདན་དུ་བཞུགས་ཚེ།།

བདུད་ནག་པོས་མཚོན་ཆའི་དྲག་ཆར་ཕབས་ཀྱང་།།

ཐུགས་བྱམས་བརྩེས་ཨུཏྤལ་འདབ་མ་རང་འབབ།།

གཟུགས་མཛེས་པའི་སྒེག་ལྡན་བདུད་ཀྱི་བུ་མོ།།

ལུས་མི་སྡུག་གཉེར་མའི་གུང་བུར་བགོས་འདུག།

༡༠

ནང་ཐོ་རེངས་རྒྱལ་རྔའི་ཅོང་བརྡ་སྒྲོག་ཚེ།།

སེམས་དར་དཀར་ཡོལ་བའི་སྒྲིབ་གཡོག་བསལ་ཏེ།།

ཡུལ་ཤེས་བྱའི་རི་མོ་སྟོང་བར་གཟིགས་དུས།།

གནས་འཛིན་མས་སྤྲོ་དགའི་གར་སྟབས་ཁྲོད་ན།།

མགོན་རྒྱལ་བའི་ཐུགས་རྒྱུད་བྱམས་བརྩེའི་ཁེངས་འདུག།

༡༡

རྟེན་འཁོར་ལོ་ནོར་བུའི་མཆོད་རྫས་སྣ་ཚོགས།།

ལྷ་ཚངས་པས་སྤྱི་བོར་སྙིམ་པས་བཏེགས་ཏེ།།

གསུང་དམ་ཆོས་སྒྲོག་པར་སྐུལ་མ་མཛད་པས།།

ལམ་འཁོར་ལོ་གསུམ་གྱི་བདེན་དོན་བསྟན་ཏེ།།

མ་འགྲོ་དྲུག་ཐར་བའི་ལམ་ལ་བཀོད་སོང་།།

༡༢

བློ་རྨོངས་མུན་རྟག་འཛིན་མདུད་རྒྱ་བཀྲོལ་ཆེད།།

གནས་རྩྭ་མཆོག་གྲོང་གི་སཱ་ལའི་ཚལ་དུ།།

ཐུགས་སྤྲོས་བྲལ་ཆོས་ཀྱི་དབྱིངས་སུ་གཏད་དུས།།

དགུང་ཟླ་འོད་བྲི་བའི་དགྲ་གཅན་ནག་པོས།།

ལྷ་དྲང་སྲོང་བགྲོད་ལམ་མུན་པས་བཅད་སོང་།།

   ཞེས་སྟོན་པ་བདེ་བར་གཤེགས་པ་གང་ཉིད་སྐུ་མྱ་ངན་ལས་འདས་ནས་ལོ་འཁོར་༢༥༦༥ ལོན་པའི་དུས་བོད་རབ་རྒྱན་ལྕགས་གླང་ལོའི་ས་ཟླའི་ཚེས་བརྒྱད་ལ་ཤར་གངས་ཆབ་ནས་གུས་འདུད་དང་བཅས།


དྲྭ་ཚིགས་གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ། རྩོམ་སྒྲིག་པ། མགར་ཚེ་རིང་བཀྲ་ཤིས།
འདྲེན་བཀོལ:
61.4K

  དཔྱད་གཏམ ( 0 )ཡོད།
དཔྱད་གཏམ་སྤེལ་ས།
སྤེལ་མཁན།
བཤེར་གྲངས།
1yq5 བཤེར་གྲངས་ཁ་སྐོང་བྱོས། ཡིག་འབྲི་བཞི་ལས་མང་མི་རུང་། ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་། ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།    
མིག་སྔར་འདི་རུ་དཔྱད་གཏམ་སྤེལ་མཁན་མ་བྱུང་།
ལྟ་ཀློག་གྲངས་ཀ
26394177
དྲ་ཚིགས་བཟོ་སྐྲུན།
 
འབྲེལ་གཏུག་བྱ་ཡུལ།   ཁ་པར།  15283703999    E-mail:tbmgar@163.com
པར་དབང་བཙན་པོའི་མགར་གྱི་དྲ་བ་ལས་གཞན་ལ་མེད།
蜀ICP备13002975号-1